充分溝通

好多男人對口技有非常濃厚嘅興趣，因為可以從中得到非一般快感，假如能夠為對方作出呢種服務嘅話，一定討得佢百分百歡心。不過脫星沙娜芝就表示，「男性對口技嘅經驗，通常喺四仔作品中領悟到，而呢類電影為求滿足視覺效果，一般都會誇大口技情節，讓觀眾以為片中嘅激烈動作，可以同時令男女雙方得到快感，可惜現實生活中根本無法做到，觀眾一廂情願去試，只會令雙方都感到痛苦。」沙娜芝仲話：「為咗扭轉男女呢種錯誤觀念，一定要同佢有充分溝通，切忌盲目遷就，否則就會令到對方產生誤會。只要大家有默契，不但能令男士感受到無比快感，更可以顯示出你嘅溫柔。何況只要喺事前清潔乾淨嘅話，呢種玩法一啲都唔邋遢。」

金口慎張

沙娜芝貴為脫星一姐，說話出自佢把口，當然冇人敢挑戰啦！但講就容易，實際上落手落腳做又有乜要注意呢？沙娜芝妹就認為，喺女性為對方進行口舌之交前，雙方一定要明白，為男士提供口舌服務並唔係一件理所當然嘅事，因為男人呢種動物，當佢養成習慣時，就漸漸唔會再珍惜，更會每次都要求對方作為前奏服務，若然你下次拒絕，男士就會覺得你對佢唔夠體貼，反而對感情招嚟負面影響。愛祖蓮解釋：「各位姊妹一定要謹記，並非每次做愛都要為對方張開金口，即使對方百般要求都唔代表一定要滿足，等對方明白到你提供口舌服務係一件難得之事，咁佢每次先會好好珍惜呢種樂趣，就能令你哋嘅性趣變得恒久，記得唔好心軟呀！」

互相體諒

脫星贊同女士唔好太過遷就伴侶，而喺服侍過程中，原來仲有要點要注意！愛祖蓮話：「當你進行口技途中，覺得唔舒服嘅話，一定要馬上同你嘅伴侶表明，事關你係絕對有權隨時中止服務，假如對方全心替你着想，當然唔會強迫你繼續服務。」雖然愛祖蓮係咁講，但睇佢嘅四仔作品，完全被男優操控，都唔知佢邊句真囉！不過為咗搵食，相信大家都明嘅，只要唔好太過分，男女私情又有乜所謂呢？而沙娜芝亦提醒各位好姊妹：「脫星係一份職業，喺性愛上係專業，大家毋須刻意模仿，做得到當然好，但做不到是理所當然，若然女方為討好男伴，長久會帶畀對方錯誤訊息，又令自己覺得難受，反而會令你性趣盡失，口技變得毫無意義。」兩位脫星深情剖白口舌之樂，呢番肺腑之言，大家收到未呢！

沙娜芝小檔案

出生日期：1982年5月23日

三圍：34C、24、34

身高：5呎4吋

愛祖蓮小檔案

出生日期：1980年4月17日

三圍：36D、25、34

身高：5呎5吋

撰文：祖