拍四仔辛苦

呢兩個都係嚟自捷克囡囡，分別係今年25歲嘅珍娜佐芝（Jenni Gregg）同埋今年28歲嘅珍納高華（Jana Cova），佢哋兩個嚟咗美國之後，無獨有偶，兩個都係無心插柳，點知喺誤打誤撞嘅情況下，竟然矇查查入咗行，轉眼已經都有一段日子。我哋先問一下珍娜佐芝，點解會無端端入咗行？珍娜話：「當時有個同鄉因為突然間有病，去唔到影寫真，於是拉咗我去頂替。我見當時冇嘢做，而且收入都唔錯，貪得意咪去試吓囉！點知一拍完就有片商睇中我，請我去拍四仔。」

於是珍娜就係咁無端端入咗行，而且因為佢樣子吸引，身材出眾，所以好快就上位，後來佢單係接拍硬照都搵到食，所以冇乜拍四仔片。有人問佢點解有錢唔搵，係咪怕男朋友反對，點知佢話：「生活費搵夠就算，拍埋四仔片咁辛苦做乜啫。」

貴人出資

但咪以為珍娜咁懶，就搵唔到錢，佢真係一世好運，不時有雜誌搵佢影相同拍廣告，另外仲有好多商場騷同品牌活動，都會搵珍娜出席，每出席一次，就有一筆出場費，所以年中搵埋搵埋都唔少。有人奇怪珍娜咁怕辛苦，點解又去接騷嚟做呢？佢話：「去做騷一啲都辛苦，只係行行企企，嘻嘻哈哈咁又一日，比拍戲輕鬆好多，而且每次去，主辦單位仲有好多贈品送畀我，認真去得過。」最近珍娜又話要進軍商界，有人拉佢合作唔使本就做老闆，珍娜生財有道，真係唔到你唔服。

至於另一位靚女珍納高華又點呢？原來佢入行又係唔係自己揀嘅，話說佢有次陪同鄉姊妹去拍寫真，佢同鄉有個表情做極都做唔到，佢馬上就可以做出嚟，攝影師認為珍納注定食呢行飯，仲游說佢入行，最後個攝影師游說咗佢成年至氹咗佢入行。

投資未輸過

珍納話：「自己真係冇打算入行，所以起初都係玩票性質，接工作一啲都唔積極，激死經理人公司啲同事，但就係唔知點解，大把人搵我拍寫真同廣告，於是好快就兩餐都無憂，後嚟更拍埋四仔，馬上大受歡迎。」但珍納拍四仔只係維持咗好短時期。

珍納話：「拍四仔真係太辛苦，於是拍咗十零部之後，就唔想拍落去，呢個時候身上有啲閒錢，於是學人炒股票。」進軍金融界嘅珍納，當大家都炒股時候，佢就賣晒啲股票走去炒期油，當人人追油佢就改炒金，幾年內只賺冇蝕。

珍納除咗投資眼光獨到之外，佢搵男朋友都有一手，據雜誌透露，佢啲男友愈揀愈有錢，家陣最新一個，聞說身家過億，而且又靚仔又有愛心，有呢種運氣，仲使乜做吖，轉行做少奶奶好過啦！如果大家冇佢哋咁好嘅命水，惟有努力工作啦！

珍娜佐芝小檔案

年齡：25歲

三圍：35、26、37

身高：5呎7吋

珍納高華小檔案

年齡：28歲

三圍：34、24、34

身高：5呎4吋

撰文：小德