去夜場就硬係會飲酒，有唔少人都會飲到爛醉如泥，呢種所謂不醉無歸嘅情況，真係隨處可見，但係如果飲得太多，都真係幾傷身。刮王早前去過一間夜總會睇過，呢間場就真係堅，佢哋為求大家開心，直情就搞咗個競飲大賽，但就唔好以為係以前大家見到嘅飲啤酒大賽咁簡單，而佢哋係飲威士忌之類嘅烈酒。
就現場所見，參加嘅並唔係客人，而係每枱嘅小姐，佢哋都係代表每枱嘅客人出賽，總之可以吹一支大號威士忌，之後唔會暈低的話就當佢贏。對於小姐嚟講，時時都係咁飲，但係要一下子吹支大號真係有多少難度。當晚參賽有十幾位小姐，有部分人飲咗半支已經嘔到一地都係，有人更加暈咗，而贏出嗰位小姐就真係堅，佢吹咗一支之後見佢腳步唔穩，不過最後佢都無暈低，但係就在場高舉勝利之手，之後更胡言亂語，而呢位小姐係可以得到兩萬銖作為獎金。
刮王係度諗，飲到咁又何必呢，成支酒精含量高達五十度嘅烈飲咁樣飲落去，真係唔知個肝會點，但係為求在場客人開心，小姐們都非常落力。不過唔知道小姐飲到咁嘅款，返到去之後就點同客人開戰呢。
刮王