講開暴力，當然唔會有人想發生，因為通常都會有人受傷同畀人拉。但係偏偏呢一類嘅粗暴動作，喺同夜場有關嘅活動上就會經常出現，好似話呢場騷咁，場內小姐畀人搞到成身都係血，仲好似畀人打咗一身咁，呢一類騷原來係大有市場。
刮王早前去過一間夜場睇騷，現場所見一位小姐被綁起，而佢周邊嘅小姐們就作勢打佢，而且更喺佢身上淋上血色液體，雖然睇落去有多少恐怖，但係現場所見就根本唔暴力。夜場經理話呢種騷都係用嚟滿足某一類觀眾，呢批客人大多數都係有鋪特別癖好，就係見到小姐個樣愈慘佢就愈開心，亦因為咁樣呢一類騷自然有市場。
刮王在場搵過幾位客人傾開，同佢哋講開呢一類嘅時候，大都表示睇到小姐畀人咁搞法就興奮，再問佢哋覺唔覺得變態嘅時候，幾位客人都即時面黑話唔再傾，當刮王表示想影佢哋相時更即時拒絕，仲講到明唔好出佢哋個樣，因為唔想畀人知佢哋有呢種癖好。刮王喺度諗佢哋都幾得意，大家睇完之後覺唔覺得有問題？莫非呢類客人覺得自己心理變態，所以都接受唔到自己？
刮王