女孩子為咗自己心儀嘅對象，除咗肯花時間化妝之外，仲捨得花錢買大量化妝品，就好似今日推介嘅奇趣短片，一班女仔塞晒喺廁所裏面化妝，但睇真啲，原來佢哋準備打網波，打波又點解要化晒妝呢？當中有乜嘢玄機，大家睇落去就知道。
十幾個身穿網球裝嘅少女，逼晒喺廁所對住塊鏡整理衣裝，當中仲有囡囡攞晒啲名牌化妝品出嚟補妝，突然有人叫教練嚟啦。
所有少女第一時間衝出球場，氹氹轉圍到教練實一實，教練喺度講解課程時，每個囡囡都望住教練，都流露出嗒晒糖嘅反應。
原來教練真係好靚仔，成個明星咁款，難怪班囡囡咁瘋狂，個個都化晒妝啦，睇嚟「女為悅己者容」呢句話，真係至理名言。
小德