第１招：製造驚喜

現於澳門十×桑拿工作嘅瑩瑩表示，一個小小嘅驚喜，可以令人情緒變得高漲，更有可能激發性慾，但究竟點樣先可以製造驚喜呢？瑩瑩話：「其實方法有好多，例如失驚無神錫對方一啖，又或者趁佢唔為意從後攬住佢咁，都會令男人覺得開心又興奮㗎！如果想佢覺得刺激一啲，我就喺夜深人靜嘅時候，喺佢耳邊講出想嘗試嘅床上招式，甚至喺沖緊涼嗰陣，主動叫埋佢一齊沖，呢啲方法睇起嚟好簡單，但絕對可以畀到男人驚喜，更會因此而產生遐想，燃起慾火。」

除此之外，瑩瑩話原來間中送啲小禮物畀男友，亦可以令佢非常開心。乜嘢禮物咁巴閉呀？瑩瑩就話：「當然唔係名車名錶咁貴重嘅嘢啦！講緊嘅只係一啲同性有關係嘅小玩意，好似震蛋、震棒，又或者特別款式嘅安全套，話畀你知，當男友收到呢啲禮物嗰陣，肯定會明白你嘅用意，到時就有排開心啦！」咁又係呀！幸福係可以自己爭取，開心亦可以靠自己去製造！

第２招：取長補短

見到性感索女，男人嘅視覺自然會集中喺對方身上，打量對方身材，繼而產生遐想，呢啲都係好正常嘅事，所以索女徐玲諗出另一個可以捉緊男人心嘅方法。佢話：「女人多數憑感覺而愛上一個男人，但男人就見一個愛一個。所以我覺得女人應該要善用自己本錢先得！好似我咁，每次同男友約會，出街前都會刻意打扮得性感一啲，例如着上熱褲、小背心，去凸顯自己堅挺雙峰同修長美腿，可以令男友大飽眼福之餘，又能夠挑起佢慾念。但係要識得取長補短，例如我早排肥咗，有少少肚腩現咗出嚟，嗰段時間我就一定唔會着露臍或短身嘅衫，應該選擇一啲鬆身嘅衫，免得自暴其短，影響男友對我嘅觀感嘛！」徐玲認真識得表現自己至索嘅一面，難怪佢身邊鬼咁多男友囉！

第３招：投其所好

若然兩個人有共同嗜好，咁話題都多啲，大家溝通多咗，感情自然變得更好喇！第三招就係投其所好，聽吓索女點講？徐玲話：「如果人與人之間欠缺溝通嘅話，關係就會疏離，為咗同身邊嘅男友保持良好關係，我平時都會抽時間同佢傾吓偈，分享生活所遇上嘅趣事，講吓佢哋鍾意嘅話題，亦會從中了解佢哋內心世界。當然最重要係識得投其所好，例如男友鍾意睇波，我會陪佢一齊睇，睇完波之後，若然佢鍾意嘅球隊輸波而唔開心，我就會用把口去氹番佢，有我呢亭咁體貼嘅女友喺身邊，男友點會捨得離開我呀！」索女咁識做，男人唔冧先出奇喇！

徐玲小檔案

年齡：20歲

三圍：36、25、34

興趣：打機

瑩瑩小檔案

年齡：20歲

三圍：34、25、34

興趣：旅行

撰文：娟娟

攝影：強