好多阿叔阿嬸，每日天未光就起身去游早水，話可以強身健體喎！今日介紹嘅奇趣短片，就係講一位先生晨早起身游早水，而佢嘅目的，並唔係為咗健康，至於為咗乜嘢？大家睇落去就會知道。
阿發一天光就起身，當然驚動到老婆阿秀，阿秀問佢去邊？阿發話落去大廈嘅泳池游早水，仲叫阿秀一齊去，阿秀當然唔理佢。
阿發第一時間走落大廈嘅泳池邊，但佢唔係游水，而係佔據有利位置，趴咗喺度曬太陽，但睇真啲佢眼碌碌一直望緊啲乜嘢呢？
原來每日晨早，靚女住客阿珍就會着三點式落泳池邊曬太陽，阿發知道後，每日亦準時落嚟睇嘢，難怪咁神心啦，原來有嘢睇。
撰文：小德