現年三十五歲嘅阿豪，經常相約朋友北上消遣，早排佢同幾個老友到咗東莞長安玩，食完晚飯，大家都想去揼骨鬆一鬆，於是一行三人隨便搵咗一間桑拿。阿豪話：「當時我哋見到呢間桑拿門口有一個大型招牌，上面寫住『特惠價按摩』，兩個鐘嘅按摩服務，都唔使二百蚊人仔，實在物超所值，梗係要試吓啦！入到去之後，一個年輕貌美嘅公關熱情招待我哋，跟住帶我哋去休息室，喺揀女時，我發現囡囡嘅質素認真唔錯，部分更拍得住大場，諗住呢次有餐好嘢食啦！點知上到房就知道中招。」入到房，囡囡就即時為阿豪解除身上束縛，然後叫佢瞓喺床上，並開始為佢按摩，但阿豪發現，呢個囡囡根本唔係揼骨，直頭係亂咁嚟，手勢差之餘，更只係識得用死力，搞到周身骨痛。

阿豪續話：「畀囡囡搞到鬼咁唔舒服，諗住換女，點知經理話服務已經超過十分鐘，想換女唔係唔得，但先要我付呢次嘅費用，聽見佢咁講，我梗係嬲啦！於是同佢理論起嚟，但經理點都唔肯讓步，最後仲叫咗兩個彪形大漢入嚟，仲講到明我要走嘅話，就要繳付整套服務嘅費用，即七百蚊人仔，去到呢個地步，畀着你都冇嘢好講啦！」

事後，阿豪得知兩位朋友都遇上被屈錢嘅遭遇，佢哋入房之後，囡囡求其揼幾下就話要開戰，朋友唔肯，話只想揼骨，但對方就話已經開始咗，就算唔玩都要收番正價。呢個時候，三人終於知道，佢哋呢次幫襯嘅呢間桑拿，根本就係黑店。而二百蚊人仔唔使嘅按摩服務，當然只係用嚟吸引水魚嘅伎倆而已。

撰文：娟娟