本文重點
最近有位太太問我,佢老公幾十歲人(實際係五十歲以上嘅人),仲成日口花花,見到後生女仲猛咁撩人,話擔心佢臨老入花叢,問我可唔可以用心理測驗測一測佢嘅出軌指數,呢層當然可以,大家不如一齊玩吓。
問題:老人家都會去晨運,以下三種運動,你都係未學過嘅,但一定要你參加一種,你會選擇咩?
答案:
1. 太極拳
2. 游早水
3. 緩步跑
答案分析
1.太極拳
由於練太極拳需要一段長時間,呢種人做事喜歡按計劃一步步行,任何打斷佢計劃嘅事都唔會做,除非佢早有準備,所以出軌機會只得40%。
2.游早水
三項中最要付出體能耐力嘅就係游早水,呢種人為咗享受水中嘅自由感覺,可以付出咁多,感情上一樣會追求自由,所以出軌嘅機會有60%。
3.緩步跑
而選擇緩步跑嘅朋友,佢哋只係求其選擇一樣輕巧啲嘅運動,佢哋通常都係冇乜嘢目標同原則嘅人,最容易臨老入花叢,出軌機會高達80%。
小德