肌肉結實

豬流感正悄悄蔓延，相信大家都應該做好防疫措施，注意衞生之餘，仲要注意身體健康，當然，要身體健康除咗要飲食均衡，休息充足之外，做運動亦係最好嘅方法之一。

老實講，做運動好處實在太多，一方面可以促進血液循環，增強機能，另一方面亦可以令身材更苗條，日本嘅頂級水着女優相澤仁美，都話自己最鍾意做運動，亦鍾意運動健將，仁美話：「做運動真係好處多，好似我咁，大家睇我呢副37、24、35嘅極品身材，咪就係因為我成日跑步游水得嚟囉！原本我都幾肥！自從多做運動之後，身材就愈來愈苗條，雙峰亦由鬆泡泡變得結實又有彈性。其實，男士們如果想令女仔傾心，做運動一樣唔少得，因為肌肉結實嘅男士吸引力相當大，結實又有線條美嘅肌肉能夠給予女仔安全感，畀呢種肌肉猛男一抱入懷，女仔即時會春心蕩漾，暈得一陣陣㗎！」

精神爽利

弊喇！小記同好多男士一樣，唔愛做運動，兼且有一個啤酒肚，全身上下冇一處肌肉係結結實實，唔怪得咁多年都冇女仔垂青啦！

呢個時候，身材比相澤仁美更苗條嘅水着女優大久保麻理子就表示：「其實我覺得肌肉結唔結實都係次要，最弊就係好多男人經常都冇厘神氣，冇辦法予人氣宇軒昂嘅感覺，梗係冇女仔鍾意啦！依家嘅都市人每日工作得相當辛苦，但係佢哋返到屋企一係掛住上床瞓，一係就上網，完全唔肯抽時間做運動，所以咪搞到身體愈來愈差，面色愈來愈難睇囉！你哋班男人就算幾唔得閒都好，其實可以喺屋企適量運動一下，例如做掌上壓、仰臥起坐，又或者跳吓繩，多少都要活動一下身體，血液循環好啲，咁咪精神爽利囉！如果肯持之以恒嘅話，同樣可以令肌肉結實添！」

爆發力強

聽到麻理子咁講，小記決定盡量騰出時間做幾下仰臥起坐減一減個啤酒肚，因為小記經常都被女仔譏笑係肥仔，搞到不知幾咁傷心！相澤仁美又表示：「你哋呢啲肥仔梗係要盡量減走個肚腩啦！冇女仔會鍾意自己男友肚腩咁大㗎！快啲去做運動啦！另一方面，做運動除咗可以收身，令肉地變得結實之外，仲可以令男人戰鬥力大大增強！」

戰鬥力？家陣又唔使打仗，要咁高戰鬥力冇用喎！仁美話：「我指嘅係床上戰鬥力呀！做運動可以增強肺活量、身體靈活性、肌肉力量同耐力，代表大家喺床上同女仔交歡嘅時候能夠表現出更強嘅一面，每一下衝刺嘅時候力度更加強勁，更有爆發力。而且，做慣運動之後，身體適應高運動量，床戰完一次之後唔會氣喘連連兼流晒大汗，女仔就會覺得你好威猛，一定會愛死你啦！」

相澤仁美小檔案

年齡：26

身高：5呎2吋

三圍：37、24、35

大久保麻理子小檔案

年齡：24

身高：5呎3吋

三圍：34、22、32

撰文：賢