但呢個靚仔對其他人都不為所動，只對小娟特別留意，有幾次阿花仲誤會佢望住自己，點知最後才發現靚仔望住嘅竟然係瞓到流晒口水嘅小娟，阿花將呢件事同小娟講，小娟一聽之後十分生氣，話九成條友變態嘅，有咁靚女嘅阿花都睇唔上眼。

於是第二日去自修室，小娟正想用嚴厲嘅眼神對付靚仔，點知靚仔竟派人送字條畀小娟，小娟一睇，字條係叫佢一個人去後樓梯見面，小娟怕阿花難過，冇同佢講，就一個人走去後樓梯赴約，小娟一見面就好唔客氣，問靚仔約佢出嚟做乜嘢？

靚仔吞吐：「我有啲話放咗喺心裏面好耐，好想同你講，但又唔知點同你開口……」小娟話：「你死咗條心喇！」靚仔一怔：「我知你有你嘅自由，但你畀次機會我吖！」小娟無奈：「咁你講啦！」靚仔喺小娟耳邊講，最後小娟竟打咗靚仔一拳。

各位聰明嘅讀者，大家猜唔猜到靚仔喺小娟耳邊講咗啲乜嘢呢？

選擇：

1. 要求同佢去開房　　　2. 要求佢借錢應急

3. 要求佢唔好瞓覺　　　4. 要求做佢女朋友

答案：3. 要求佢唔好瞓覺

解釋：原來小娟每次去到自修室，打開本書望唔夠三分鐘，就會呼呼大睡，而且每次瞓覺嘅時候，除咗流口水之外，仲會發出擾人嘅噪音，所以靚仔深受影響，一直都望實佢，但因為太多靚女喺現場，唔好意思直接話小娟，今日忍無可忍同佢講清楚，點知更畀小娟狠狠教訓一頓添。

小德