最怕濕淋淋

水着妹濱崎慶美表示，遇上天氣晴朗，心情都會特別開朗，所以佢最鍾意喺天氣晴朗嘅日子同男友搞嘢，覺得零舍開心。

慶美話：「係㗎！睇見出面藍天白雲，陽光普照，覺得特別舒服，就連心情都受到影響，變得零舍開朗愉快，懷住呢種心情同男友上床，自然會做得零舍開心啦！此外，我就最怕落雨嘅日子，事實四周圍嗰種濕淋淋嘅感覺，加上我屋企零舍潮濕，搞到整個人周身唔聚財，仲邊有心情去搞嘢？所以我喺呢啲日子，通常都唔會叫男友上嚟屋企過夜，免得佢想要，但我又唔想做，搞到大家唔高興就無謂啦！」原來天氣對於慶美有咁大影響力，相信做得佢男友都要頻頻留意天氣報告喇！

愛在露台玩

另一位靚女三井麻由都鍾意喺天朗氣清嘅日子同男友開心，究竟佢又有乜嘢原因呢？麻由就話：「咪因為我鍾意喺戶外玩囉！不過唔係打野戰嗰陣，只係喺屋企個露台度玩啫！」

原來麻由有呢種癖好，佢都算曳曳喇！「咪笑人啦！有呢啲習慣有乜出奇喎！成日喺床上面玩，做得多都厭啦！間中轉吓作戰地方，可以增加新鮮感，否則愈做愈無癮，好難再投入。而我就比較鍾意喺露台嗰度玩，事關我可以一邊享受微風撲面嘅清爽感覺，一邊感受男友畀我嘅充實感覺，既舒服又刺激，真係諗番起都覺得回味吖！相反，如果喺落雨天嘅日子，我又點可能喺露台玩呀？」咁又係嘅，但麻由咁鍾意喺露台玩，難道佢唔怕畀街坊睇到咩？

至緊要開心

兩位索女講到好天嘅日子搞嘢會特別開心，其實呢方面都可以理解，不過咁喎！如果遇着雨季，難道要休戰到好天為止？麻由就話：「咁又唔好講到咁誇張，雖然我哋鍾意天氣晴朗嘅日子，但係更鍾意同男朋友搞嘢，天氣只係會令我做得是否投入。」慶美又搶住咁話：「成日聽見啲人話，心情就似天氣一樣變化不定，晴天或者陰天，心情都總會有啲分別，例如晴天個人精神爽利，所以可以唔做前戲就即刻埋牙，如果係陰天，個人濕氣重又唔自在，咁就要做多啲前戲，等個人㷫合合先開始進一步行動。」原來晴天同陰天都會影響到性事，我都係今日先知咋！

撰文：娟娟