衣着性感

據了解，睡房派對喺加拿大相當受歡迎，唔少夜店都曾舉辦過，通常佢哋都會將會場改裝成睡房咁，擺放幾張大床，顏色亦用上暖色，感覺相當溫馨。不過，就算場地幾靚都好，主辦單位一般都唔會讓客人喺床上面鬼混，頂多只會畀佢哋坐吓。

至於呢次介紹嘅色慾睡房派對，於加拿大多倫多一間私人會所內舉行，吸引數十位俊男索女參加。一般嚟講，一眾蒲友蒲妹都會盛裝出席，但呢次嘅情況就唔同。為咗迎合「睡房」嘅浪漫氣氛，唔少人都以性感嘅打扮示人，有人着上絲質睡衣，加上真空狀態，飛釘情況相當嚴重。不過咁都未算過癮，事關部分索女入場之後，竟即時脫去上衣，只穿着胸圍底褲，美好身材呼之欲出，甚至故意烏低身，騷出半球，睇見倒奶場面，男士梗係覺得興奮啦！

睡房開戰

為照顧各蒲友嘅需要，所以場地一共會分為三個區域，分別係舞池、梳化以及睡床區，而睡床區就會設於貴賓房，為咗令大家玩得更過癮，主辦單位特別將房間改裝睡房，仲增設咗一個小型浴室。

據蒲妹姬絲汀表示，呢啲模擬睡房環境相當舒服，令佢眼界大開。「睡房牆上以粉色調為主，裝修同擺設都好有溫馨嘅感覺，加上柔和嘅燈光效果，氣氛顯得更為浪漫，當時我仲情不自禁瞓上大床，同身邊嘅男伴溫馨一番。」姬絲汀又話，只要付上一定費用，客人仲可以喺「睡房」中玩天光。

見到其他人喺睡房咁快活，梗係想開心埋一份啦！可惜床位數目有限，爭床情況實在無可避免，幸好場地附近有好多酒店同旅館，可讓大家發洩一下。不過大家千祈唔好誤會呢個派對一開始就可以畀人上床玩，為咗唔想出現蒲友爭床嘅混亂情況，所以大會規定「床上活動」要喺派對開始一小時後進行。呢個安排都好嘅，事關等大家有充足嘅時間溝女溝仔嘛！

不愁寂寞

雖然好多人都未能入房玩，但係大家都唔需要感到失望，事關場內放置咗好多大型梳化，讓大家識到異性朋友之後，可以坐埋一邊慢慢「溝通」。據講，梳化位置無遮無擋，搞乜都會畀人睇晒，之不過一眾蒲友仍然毫不避忌咁同身邊嘅異性作親密接觸，無他嘅，難得遇到自己啱心水嘅對象，梗係想用最短時間冧掂對方，若然有下文就更好喇！

對於男士嚟講，梗係希望可以喺派對中識番個索女啦！唔講唔知，原來呢個睡房派對相當受蒲妹歡迎，而且派對多數女多男少，只要肯花啲心思氹吓囡囡，想食好嘢絕對唔係難事。不過，大家要注意一點，除咗喺睡房區之外，喺大廳梳化區只可以同囡囡攬攬錫錫，想剝衫剝褲作深入了解，麻煩過隔籬嘅酒店喇！

撰文：娟娟