節目豐富

講到博覽會，近年香港都有唔少，事關香港充滿商機，無論係外國定係本地嘅企業都想分一杯羹，搞個大型博覽會吸引客人入場參觀，既可以賺錢又可收宣傳之用，絕對諗得過。

然而，論到博覽會之大型，就遠遠唔及外國呢個性博覽（Sexpo）喇！因為呢個玩足四日嘅性博覽每年都吸引到超過幾萬人入場，最近喺澳洲布里斯班市舉行嘅一屆已於本月21至24日順利完成，人數又創新高，有超過五萬人入場！可想而知，全世界嘅人對成人娛樂嘅需要有幾熱切！

當然，能夠吸引到咁多人畀錢入場，性博覽入面就梗係多嘢玩啦！先唔講表演，淨係計入面主打嘅四仔以及情趣用品檔口，已經有上百個，純粹抱住𥄫嘢嘅心態入去，就已經可以花足大家一日時間！咁都未算，因為每一年，大會都準備好多節目畀大家玩，例如可以載住大家享受情色之旅嘅列車，坐到上去，列車就會進入充滿情色影像嘅隧道，過程刺激又滿載官能享受，好玩過坐過山車！另外，唔想咁刺激，亦可以欣賞每一屆都鼎力支持嘅猛男畫家，睇吓佢點樣用小弟弟嚟繪畫，每個節目都精彩萬分，令人大開眼界，正呀！

台上勁舞

性博覽場館入面有咁多檔口又有車坐，大家一定玩到樂而忘返，不過千祈唔好唔記得台上仲有精彩嘅勁舞表演，當中包括難度極高嘅鋼管舞，由性感火辣嘅女舞蹈員瞓身演出，捉住支鋼管跳上跳落，仲大玩一字張腿，真係惹人遐想！

嫌鋼管舞得一個美女太寡咩？冇問題，因為台上仲有團體表演，事關每一屆性博覽都邀請到大量艷舞團體到場表演，由三至四個美女聯手上台搔首弄姿，繼而將身上嘅衣物逐一除低，露出婀娜多姿嘅胴體！而今年佢哋仲有一個新玩法，就係出動一個吹氣公仔作舞伴，一邊跳舞，一邊同吹氣公仔表演多種性愛花式，睇落好似做緊真人騷一樣，興奮感直逼四仔！觀眾睇完之後話唔定可以從中偷師，領略到不少新姿勢。

家陣女性市場咁大，性博覽都唔想得失一眾女性，所以，一班艷女跳完艷舞之後，就輪到猛男出場，呢班猛男個個都高大威猛，滿身結實肌肉，一見到佢地上台跳脫衣舞，台下嘅女士無不驚呼狂叫，現場氣氛又再一次提高。

親身較量

正如頭先所講，好多博覽會都有得試玩試食，嚟到呢個性博覽一樣唔會令大家失望，各個檔口嘅情趣用品當然有得試玩，但係大家咁就夠皮咩？對好多人嚟講的確唔夠，所以今屆大會就隆重舉行多一個艷舞公開賽！

大會從國外好多選舉節目，例如《全美一叮》、《全美偶像選拔賽》當中，得知唔少人都身懷絕技，而且有非常大嘅表演欲，靈機一觸之下就有呢個諗頭，舉行大賽畀入場人士上台獻技，一來增加互動，二來又可以畀大家一個成名機會！而且，大家先前睇過咁多艷舞女郎以及猛男大跳誘惑艷舞，相信唔多唔少都已經學到一點點皮毛，就算係抱住玩玩吓嘅心態出嚟表演，都一樣有板有眼，唔會失禮啦！另外，怕醜嘅朋友亦唔使驚冇嘢玩，因為場內新增一個人工沙灘，仲安排咗一班美女同大家大玩沙灘排球以及板球，同樣玩得開心又興奮！

撰文：賢