武器類
輕便坐地炮

單身男人要自娛，不外乎用左手同右手，又或者係雙手齊發，一次半次就梗係可解寂聊啦！但係，日子耐咗點都想有個對手，等左右手可以放鬆一下。如果大家都有呢個諗法就啱晒喇！因為日本又推出咗一部輕便炮機，等大家可以蹺埋雙手都可以有超凡享受。呢部炮機全長只係14厘米，駁好電源之後再開掣，炮機主要部分就會不停前後郁動。另一方面，炮機除咗可以放喺地上由大家就位配合之外，由於佢機身唔大，所以能夠畀用家大腿內側夾實，咁樣又可以成為一個新玩法，試過之後，可能慳番唔少錢。

輔助類
調情音樂《Erotic Moods Vol.1（色情氣氛第一集）》

講完自娛用品之後，相信大家收到好多自娛嘅新資訊，但係一個人自娛又點夠男女纏綿咁吸引呢？但係，纏綿都要講求情調，埋牙之前飲杯酒，當然有助增加氣氛，再激情少少，仲有男女會欣賞一下三仔四仔熱吓身，仲有冇第三種方法呢？絕對有！就係聽吓呢種被稱為調情極品嘅調情音樂集喇！呢隻名為《色情氣氛第一集》嘅調情音樂專集，收錄咗12隻特製音樂，總時間有60分鐘咁多，每隻音樂都能夠將男女內心嘅欲望挑起，極具挑逗意味，有佢幫手，話唔定可以玩到成隻CD播完都未夠皮。

親切化妝水

有睇過日本AV嘅朋友，一定發覺近年有一種道具經常會出現，唔係按摩棒，亦唔係按摩油，而係被稱為化妝水嘅高級潤滑劑！呢種望落透明嘅化妝水非常濃稠，黏性亦相當高，質感實在得嚟又滑溜，用過就知感受非一般就過癮。於三仔當中，女優會將之用嚟玩波地馬殺雞。但係大家細心留意的話，會發覺化妝水唔會輕易消失，女優玩足全場，化妝水依然健在，冇錯，化妝水嘅奧妙之處就在於佢哋有潤滑性之餘唔會咁被身體吸收或蒸發，任你點搓任捽都唔走，就好似今次為大家介紹嘅呢種植物性化妝水咁，廠商仲聲稱本品保證你點玩15分鐘都唔會失效，再加上酸鹼度接近皮膚，同時係水溶性，配合安全套使用亦得，感覺親切又窩心。

空洞發熱棒

單身男子經常感到空虛寂寞，唯一可以令自己生活添上多一點色彩嘅方法，不外乎欣賞一下三仔四仔，睇完之後再自娛一番。而自娛嘅方法，有人會放棄雙手，轉用款式多多嘅飛機杯。然而，飛機杯縱使設計有幾巧妙，質感同真人有幾咁相似都好，仲係欠缺女人嘅一份體溫！冇錯，就係欠缺呢份令男人着迷嘅體溫，所以有情趣用品商推出一件可以將局勢扭轉嘅產物！就係呢支發熱棒喇！呢支棒棒入面有化學成分，一屈就可以發出接近40度嘅熱力，使用飛機杯之前，可以將支發熱棒放入去預熱一下，等一陣之後，飛機杯嘅內籠咪暖笠笠，為男人帶嚟溫暖又舒適嘅自娛享受，唔使再覺得空洞洞囉！

安全類
防狼安全套

家陣好多女仔同男人一樣要努力工作，搞到早出晚歸，辛苦之餘，晚黑返屋企仲要一個人行過漆黑嘅街道，個人安全往往受到色魔威脅。

有鑑於女仔自衞能力唔高，色魔又日益兇狠，所以英國就有廠商推出一種防姦安全套。呢種安全套使用方便，女士只需要將佢套入下陰就可以。由於佢設計獨特，只要有色魔膽敢挺槍侵犯使用者，其小弟弟就會被倒勾緊緊抓住，仲會覺得相當痛楚，而且一定要動手術先可以將防姦安全套除低，絕對有效令色魔落荒而逃！

撰文：賢