一位署名「輝哥」讀者來信提及：「陽起子先生，本人同女朋友拍拖多年，感情穩定，但冇錢結婚，每個星期只能開房解決雙方嘅性需要。但好奇怪，每次開房前大家都好地地，但一做完返到屋企，就會發冷發熱，周身唔舒服幾日，嚴重嘅更感冒纏身，究竟點解呢？」
如此情況，明顯係兩人開房時，將空調校得太凍所致，原來於性交過程中，全身血管充血擴張，汗腺毛孔全面開啟準備排汗，如果此時被低溫冷氣一吹，毛孔就會自然收縮，儲存於皮毛之血液，就會大量回流心臟，令心臟負擔嚴重加重。
所以過後胸口就會因疲勞翳悶，年輕人休息一下可以復原，但年紀大或有心臟血管問題的朋友，就要小心，隨時有心臟病發可能。至於感冒，就是當激烈運動時，毛孔準備排汗，但因為遭冷風一吹，毛孔關閉，使汗滯留汗腺，導致毛孔阻塞。加上大戰之後，身體元氣耗損，抵抗能力自然下降，如果不好好休養生息，極容易受外邪入侵。另外，因為城巿人少做運動兼長期被冷氣圍繞，毛孔長期收縮，就會好容易染上感冒。
陽起子