撰文：小德
冷面笑匠
今年23歲嘅Nikki Jayne原來係英國人，所以佢啲笑話保持英式紳士風格，就係人哋笑到反肚，佢仲木口木面一啲都唔笑，單係忍笑功夫就已經唔簡單，另一位今年25歲嘅靚女Bryleigh Rayne，就係美國人，佢講笑話嘅肢體動作就最誇張。
我哋先問吓Nikki點解咁鍾意講笑話？佢話：「我啲屋企人，每一個都好風趣幽默，特別係我爺爺，用冷面笑匠嚟形容佢最適合，佢每次講完笑話，我哋個個笑到碌地，佢仲若無其事咁樣，有時仲問我哋做乜嘢笑到碌地冇晒儀態，真係畀佢激死。」
咁Nikki學到爺爺幾多成功力呢？Nikki話：「我只學到佢五六成左右，其實講笑話除咗技巧好重要之外，仲要識得因時因地因人，隨時搵到題材，借題發揮，呢啲技巧我始終唔及我爺爺，但一啲聽過嘅笑話，要我再覆述，就一啲都難我唔到。」
網誌大熱
據聞Nikki嘅笑話有好多Fans捧場喎！Nikki話：「其實係我嘅Blog受歡迎啫，至於笑話，又唔係日日都寫嘅，只係聽到一啲好笑嘅笑話之後，我就會將佢改頭換面，之後就寫上Blog，等大家睇到開心一下，但我個Blog最受歡迎嘅唔係啲噴血寫真咩？」
當然寫真都一樣受歡迎，但追捧笑話嘅朋友都不容忽視，最後問吓佢會唔會改行做諧星或者做棟篤笑？Nikki話：「如果有機會都想試吓，以玩票性質，應該冇問題，但如果要靠做呢行嚟維生，我就不敢樂觀，因為我嘅技巧仲差好遠呀。」
至於另一位靚女Bryleigh，佢講笑話絕對係一個天才，因為佢講笑話唔使打稿，所有題材都係信手拈來，加埋豐富嘅肢體動作，就可以令佢嘅朋友笑破肚皮，佢點解咁犀利？佢笑笑口話：「呢啲可能係天生嘅，你問我都唔知道點解？」
多人追求
Bryleigh再補充：「亦都由於係打天才波嘅關係，所以我嘅笑話係好受情緒嘅影響，有時心情好嘅話，可以妙語連珠，搞到啲朋友捧腹大笑；但有時心情唔好，就點都講唔出，所以有朋友一心想聽我講笑話，就可能失望而回。」
咁會唔會改行做諧星呢？Bryleigh話：「自己知自己事，我應該唔會，喺朋友面前冇壓力，我可以講得好開心，但一有外人嚟叫我表演，我就會講得一啲都唔好笑，有時就算重複上次自己講嘅笑話，喺壓力下，都會講到語無倫次。」
最後，問Bryleigh成日講笑，對自己有乜好處？佢話：「有講笑話嘅日子，我覺得心情會好靚，身體亦會因為成日笑，而健康咗好多，另外，朋友亦會多咗，賺錢嘅機會亦會比以前多，連追求者都……」睇嚟大家都要學吓幽默，講多啲笑話至得囉！
Bryleigh Rayne Profile
出生日期：1984年2月27日
身高：5呎2吋
三圍：34C、23、33
Nikki Jayne Profile
出生日期：1985年6月10日
身高：5呎10吋
三圍：34C、25、34