一名署名「阿偉」嘅讀者來信表示：「本人現年四十一歲，近來發覺對性事熱情冷卻，總是提不起興趣，即使是太太主動刺激，依然難以勃起，想請先生幫幫忙，指教一下有何方法可令本人起死回生？」
阿偉來信中所提及之情況，問題應該係由於性慾低下所引致，因為性慾低下嘅意思係指於受到性刺激下，依然冇性交欲望，而且發覺陰莖勃起困難。中醫認為，性慾低下嘅成因，由於脾腎陽虛，命門火衰所致。
男人踏入中年，腎精就開始衰落，不過腎虛並不一定會令性能力下降，亦可以令人出現耳鳴、暈眩、心悸等等嘅徵狀。若果要改善以上情況，就要令腎氣旺盛，同時需要充足休息、進行適當運動。
至於食療方面，以下一道亦於此情況有所幫助，用黃精一両、蟲草少許、女貞子五錢、黃蓍三錢、水鴨一隻、生薑兩片煲湯，煲大概三小時左右後飲用，同時可將水鴨肉食用，因為鴨肉有滋補五臟作用，而且營養豐富。此湯攻效補腎益氣，主治腎虛引致之性慾低下以及陽痿不起。
陽起子