性保健:老人強身三招

一位署名「老漢」男讀者來信談及,他今年六十有五,年紀雖大,但魅力不減,依然有女相伴,但年老則力衰,每每行房之時會出現力不從心之狀況,於是在坊間購買壯陽成藥服食,但效果不顯,更出現心跳加速、冒汗等現象,想查詢如何改善老年人的性能力才是良策。

最近好多新聞報道指老人家亂食春藥,搞到要入醫院,真係慘情。其實只要改善一下日常生活習慣,自然就能令身體得到改善,活力充沛。今日就提供三個方法畀老人家,改善一下佢哋嘅問題,分別係晨練、午睡、飯後行。

晨練即係晨運,好多老人家天天做,但發覺冇乜效,其實只係方法錯誤,晨運除咗行行走走,做吓早操之外,最重要係做深呼吸,盡量吸入氧氣,令血含氧量大增,血氣得到改善,咁臟腑功能亦會加強,身體自然充滿活力,所以記住深呼吸呀!

午睡,就係喺午時(即係11:00~13:00)小睡片刻,瞓嘅時間長短唔係問題,最重要係瞓唔瞓得着,由於午時係全身氣血運行「手少陰心經」嘅時候,如果你放鬆畀佢運行,氣血自然運行得更暢順,只要瞓着就可以充電,瞓到自然醒就係充滿電。

飯後行,就是飯後步行一下,原意幫助消化,而最佳時間就係酉時(即係17:00~19:00),但城市人一般都冇咁早食飯,所以建議飯前行,因為酉時係「足少陰腎經」當令,散步可以刺激湧泉穴,令腎經血氣充沛,到時身體想差都難呀!

陽起小