俗語話十八歲卜卜脆，又有云少女十八無醜婦，十八歲嘅女仔正值最青春、最嫩口嘅時期，必定吸引到好多男士追求。所以，日本水着界兩位剛好十八歲嘅女優就表示，呢個時候最好就係談戀愛！
出力豐胸
愛里妹所言甚是，每年不知有幾多女仔因為初戀關係破裂而要生要死，就算唔自尋短見，心裏面亦會留下深刻嘅烙印，搞到往後唔敢再拍拖，正如愛里所講，拍拖之前裝備好自己，正好能夠令初戀關係更加長久。
而另一位又係剛剛好今年十八歲嘅水着女優北乃綺，就表示會裝備好自己另一個部位，北乃綺話：「雖然好多人都讚我個樣生得又甜又可愛，但係唔知點解就係冇男仔追，所以令我期待初戀嘅心情更加焦急。不過心急又點，我本身又怕醜又內向，要我主動追男仔我真係唔夠膽。好彩，有個姊妹教我，男仔最心儀就係身材好嘅女仔，如果我身材更好，特別係上圍更加豐滿的話，一定可以吸引男仔追到我瘦。所以，家陣我決定要多做擴胸運動，同時飲多啲奶，食多啲木瓜，希望自己可以連升兩Cup，到時一定迷倒萬千男仔喇！」
堅守底線
北乃綺你本身青春無敵，皮膚仲要鮮嫩白滑，其實要吸引男仔真係話咁易啦！唔使咁擔心喎！兩位女優你哋恨拍拖嘅心情小記都好明白，但係恨之餘都真係要帶眼識人，千祈唔好千揀萬揀，揀着個爛燈盞，被人欺騙感情，兼夾欺騙埋肉體呀！
中島愛里呢個時候又話：「呢個當然啦！雖然我哋真係咁恨談戀愛，但係我哋都一定會堅守底線，絕對唔係亂咁同男仔發生關係㗎！因為，經常從新聞當中得知，好多情竇初開嘅少女遇到壞男友，初時梗係過住一段非常浪漫嘅感情生活啦！但係殊不知後來先發現，原來男友只係想得到佢哋嘅肉體，嘗過快感之後，更加始亂終棄，好快就轉溝第二個女仔。有部分女仔更加畀男友又騙又氹，氹到佢哋出嚟做女優，甚至係風俗娘搵錢養男友，真係諗起都得人驚呀！所以，我都奉勸各位少女，千祈唔好咁容易同人發生關係呀！」
撰文：賢