好多AV片嘅碟面，未必會登出導演嘅名字，但如果登出嚟嘅話，呢個導演一定有番咁上下本事，但有人會話，佢睇咗咁多年AV片，從未睇到有「導演」呢兩個字出現過喎！呢層大家有所不知，由於用詞上嘅分別，日本人稱呼導演，係叫做「監督」。
所以碟面上打上某某監督，即係登埋導演個名，呢啲片一定有睇頭，而要數近年日本最有名嘅AV監督，一定非溜池五郎莫屬，佢最擅長將三十歲以上嘅熟女，透過鏡頭技巧，變為「美熟女」，令觀眾對熟女嘅態度徹底改觀，要做到咁嘅效果，真係少啲功力都唔掂。
而今年45歲嘅溜池，原來係明治大學嘅法律系學生，由於太熱愛AV片，於是放棄做律師改行當AV監督，佢本身好有才華，加上有生意頭腦，喺02年就擁有自己嘅製作公司，之後喺06年更將製作公司升格為AV片商，雖然近年生意咁忙，但佢間唔中都仲有拍片㗎。
小德