脫星助興
抽水派對喺07年已開始舉辦，起初每季舉派一次，可惜當時冇男人會相信有女願意被抽水，女蒲妹更睬你都傻，冇着數情況下要被人亂摸，容乜易摸摸吓變打真軍㗎！難怪頭一年幾乎蝕本收場，不過Tom並無因此而灰心，繼續請求老闆支持舉辦，其後喺08年，Tom為咗打破禁忌，請來一班四仔脫星駐場任由男女蒲友抽水，若然蒲友唔主動，脫星都會咬住你唔放，如是者經過連續幾次，反應好到不得了，連蒲友都幫手宣傳，抽水派對總算打響名堂。
到咗今年第一季，大會認為蒲友都已接受互相抽水，決定唔再請脫星，有蒲友仲擔心反應，但事實證明玩家嘅質素比脫星都高質，行為更放蕩，蒲友Edward話：「我同Tom一樣經歷過一段長時間『自摸』日子，所以對女人嘅飢渴程度，三言兩語根本表達唔到，只要有女人喺我面前，我就會有性衝動，但唔一定要打真軍，只要摸吓，講吓鹹濕笑話我就好滿足喇！」嘩！Edward話摸吓講吓就心滿意足，除非你唔係男人啦，否則想我信你都難！
抽水秘技
蒲友形容派對一開場，已即時荒淫，例如門口嘅「食蕉」會率先向蒲妹抽水，佢哋話只要摸吓屁股，就可以免費存袋，假如摸吓胸，仲可以幫佢霸埋枱添呀！蒲妹Dani話：「我對自己好有信心，亦唔介意畀人摸吓，況且隔住件衫，都冇咩好蝕底啦！畀啲保安摸吓就有人幫我霸枱，有乜所謂喎！而且啲『食蕉』肌肉又咁結實，畀佢摸完心情都高漲啲呀！」呢種亦係大部分入場Ladies嘅心態，佢哋都認為隔衫摸體根本無問題，女士又唔會蝕底，亦有蒲妹話直接啲大家都毋須浪費時間，蒲妹Carolyn話：「大家咪以為蒲妹就一定多仔溝呀，入場玩好多都好dry㗎！與其去派對等男人結識，倒不如嚟呢個派對向男人抽水仲興奮！」
原來蒲妹入場同男人一樣，主要為抽水，當然，撻得着嘅，自然另有下文啦，自言喺抽水派對食過唔少女嘅Marco誇口話：「每次我落場都例必食到女，有時仲一晚啅幾件添！好多人問過我食女方法，事實好簡單，派對講明係抽水，可惜男人一聽到抽水就會聯想到用手，其實咁樣太明顯，女士亦討厭，大家應該學我，利用身體去靠近對方，隨着音樂節奏慢慢扭動屁股，再逐步將行動升級，咁女人先會興奮，咁至算高章嘛！」真係唔該晒，蒲友無私教授各位抽水秘技，搞手Tom亦非常認同佢嘅講法，若然香港都有咁嘅派對，仲會唔會有電車男呢？
補償空虛
呢個世界邊有咁着數，竟然可以喺公眾場合公然抽水，莫非唔怕畀人告非禮？根據洛杉磯一間D場舉辦嘅「After Friday」派對參加規則表明，的確係可以容許男女蒲友向任何人抽水，不論異性同性都冇問題，大會更奉勸各位，假如接受唔到被抽水，就千萬不要進場玩，否則會被保安勸喻離場，真奇情！
大會搞手Tom之所以有咁嘅構思，原來係因為多年來都冇女陪佢過周末，Tom話：「我曾經試過連續二十四個星期冇異性陪過周末，每次都係一個人留喺屋企睇四仔度過，現在回想起嗰種感覺真係比死更難受，相信好多男女都好似我一樣咁寂寞，所以我決定改變，搞呢個派對打救天下寂寞男女！」Tom相當偉大，竟然為咗打救飢民，搞個咁踩線嘅派對，但Tom就表示，呢個抽水派對，最主要都係想滿足自己，事關Tom想喺一晚之內補償多年嚟嘅空虛，人生至不枉過喎！
撰文：祖