性愛嘅話題，永遠係最佳嘅創作來源同埋研究題材，至於取向方面，你可以嚴肅認真，一本正經咁講解，也可以用嬉笑怒罵、幽默風趣嘅手法嚟做，一切隨作者喜歡。而今日介紹畀大家嘅作品，就以漫畫加搞笑嘅手法去解構「性」。
作者係台灣資深傳媒人馮光遠，佢平時經常用冷笑話嚟自娛娛人，風格獨特，在文化界早就非常出位，今次聯同資深漫畫人蔡虫，將華人一直難於啟齒嘅性話題，以搞笑幽默嘅方式，大大方方咁拎出嚟同大家分享，推出後令唔少人拍案叫絕。
今次呢本《三生有性》嘅漫畫，馮光遠用佢最擅長嘅文字惡搞嚟出發，收集各種日常會話中頻繁出現嘅詞句，例如「參考性」、「連續性」、「禮貌性」等等，歪解為各種「性」狀態嘅描繪，全書一共收集八百個詞彙，全都可以令你想入非非。
訪問時作者表示今次嘅作品雖然係玩弄文字，概念簡單，但比一般嘅黃色笑話書技巧比較高一啲，而且利用文字嚟惡搞，呢種偷天換日嘅手法，只有華人文化至有，係歐美同類型嘅性愛漫畫所不能及，難怪本書反應咁好，一出就斷巿啦。
書 名：《三生有性》
作 者：馮光遠、蔡虫
出版社：幸福綠光
價 錢：180台幣（約45港元）
小德