性愛喜惡
「人妻俱樂部」喺日本幾乎每星期都有新聞，好似最近就有一單老公偷食嫖正自己老婆事件；報道指雙方見面時不但無即場踢爆對方身份，相反交易仲非常愉快，而事後呢對「偷食夫妻」更接受成人雜誌訪問表示，因為「意外」，令大家更了解對方性愛喜惡，從此兩人冇再花錢出外偷食咁話。懶理「劇情」真假，但可以肯定日本人對人妻的確情有獨鍾！
以人妻做賣點，已成為日本人最愛玩法頭三甲，但當地不少傳媒踢爆，現實生活中日本都冇咁多真實人妻，又何來咁多「人妻」供應？即係話，不少自稱「人妻」嘅囡囡，多數都係假扮，只係中女、失婚婦人、鄉下妹，甚至普通陪坐小姐，但客人一聽到人妻兩字就會雙眼發光，所以冇人追究真假而已。
至於人妻玩法，多數不離角色扮演，例如喺酒店房由囡囡打掃或出浴時被客人偷窺，但今年開始，呢個玩法已被打破，原因是一間「人妻轉介俱樂部」出現，令當地人妻為之瘋狂，更有報道指，呢間俱樂部令一眾老公聞風色變，點解？
轉介人妻
據東京傳媒報道，呢間「人妻轉介俱樂部」之所以咁出位，原因並非有即場「真人妻」供應。俱樂部只係一間介紹所，場內冇囡囡，亦沒有男妓，成立原因完全為滿足一班生活枯燥、性生活苦悶嘅職業師奶；起初一班師奶知道有「人妻轉介俱樂部」出現，有人就主動應徵，但負責人解釋，俱樂部實際唔使聘請人手，相反師奶若然有性需要，只要留下聯絡方法，及後遇到有合適人選，就會安排雙方約見，夜場只會收介紹費及手續費。消息傳開後，不少真正有需要嘅師奶都爭相留下聯絡方法，而男士更不用多講，當知道有「人妻」出現，加上「交易」免費，必定第一時間報名。
「人妻轉介俱樂部」愈做愈旺，而且九成生意在日間進行，事關此段時間正值老公返工時間，師奶自然大把時間偷食。負責人對傳媒解釋，單係做轉介生意已無停手，俱樂部首先會詢問女士喜好要求，假如有合適男士，就會即場提供相片畀師奶過目，假如對方認為合眼緣，聯絡人就會即時代為約見，當指定男士到達後，兩人會獨處傾談十五分鐘，了解一下對方性格及玩法喜好，最後聯絡員會分別會見男士及師奶，一切無問題就可以「出動」。
精神支柱
男士玩真人妻唔使錢，只要畀入會費及每次成功介紹費就搞掂，令夜場得到廣泛支持，據聞會員已超過五萬人，同樣，師奶亦不收分毫，因為佢哋都係出於自願，身邊伴侶無法滿足，惟有靠「朋友」幫助，雙方玩完就算，絕對不用負責任，假如事後受到滋擾，師奶更可搵「俱樂部」即時解決。
俱樂部負責人更表示考慮到其他地區試辦，但有人就反對，要禁制「人妻俱樂部」繼續運作，理由是破壞婚姻和諧關係，誘使他人背叛伴侶等，喺網上群起痛斥「人妻俱樂部」罪行。相信「苦主」多為老夫老妻，因為生怕伴侶為快感偷食，所以要出此下策。但可笑嘅係，不少師奶就化名表示支持，佢哋認為生活太不平等，男人有需要就可背妻偷食，而女人就要堅守婦道，「人妻俱樂部」出現，正係為抑壓多年性慾嘅師奶平反，有師奶話：「女人有性需要點解只可以靠老公解決，但偏偏老公又唔生性，永遠滿足唔到我，更有多多藉口推搪，我已經忍夠，只要俱樂部一日存在，我都會行動支持。」
曾有師奶於網上留言話：「偷食真係好刺激，估唔到現實生活中有咁多『高手』，我老公真係不知所謂。我有時都想試玩新花臣，可惜我老公係一個好嚴肅嘅男人，假如我提出要求佢必定好反感，甚至會同我離婚，但喺俱樂部我就完全滿足到，有時更有意想不到收穫添！」從呢位師奶嘅留言可見，俱樂部係佢哋精神支柱，睇怕有排玩！
撰文：祖