日日做到無停手，梗有食飯嘅時候，一班朋友收工坐埋一齊，當然要啤一啤佢先至夠盡興啦！然而，酒乃穿腸毒物，只宜淺嘗，不宜過量。
事實上，飲酒過量的確會令身體出現問題，例如係肝硬化或者係胰臟功能異常，都被發現與吸收過量酒精有關，大家不得不防。另外，早前有俄羅斯生殖醫學專家更加發現，過量飲用啤酒仲會削弱男士嘅雄風添！
根據專家意見，啤酒含有唔少雌激素，而男人吸收咗呢種雌激素之後，男性睾丸分泌激素─睾丸酮就會被抑制，睾丸酮水平下降，繼而會令男性肌肉力量減弱、體毛減少、乳房及臀部發育不正常，而心理上亦會變得好似女性咁，鍾意留喺屋企做家務以及照顧小朋友，各種變化都會令男士變得女性化！唔單止會令男士有大肚腩咁簡單！
所以，各位同朋友豪情暢飲啤酒嘅時候，敬請留意唔好過量，兩至三杯淺嘗為妙啦！
賢