古代中國奉行盲婚啞嫁，男女雙方只能聽從父母嘅安排，絲毫冇戀愛嘅自由。如果當年有好似以下嘅「自選老公控制器」嘅話，揀老公既方便又快捷，最重要就係唔使受到父母控制，你話幾咁好呢？
妍女姑娘十八一朵花，父母心諗係時候幫佢搵頭住家。點知妍女仲未想嫁，搞到父母極為擔心，於是喺軟硬兼施嘅情況下，迫到妍女同人相睇。聽到呢個消息嘅妍女，雖然百般不願，但屈於父母之命，惟有聽從。
喺相睇嘅前一晚，妍女遇到個高人，畀咗個「自選老公控制器」佢。當佢見到父母介紹畀佢嘅未來老公後，覺得極之唔啱心水，便即刻拎個控制器出嚟將佢變走，仲換咗個豪邁奔放嘅型男出嚟，令妍女心花怒放！
雖然妍女見到型男開心到飛起，但想結婚始終要過到父母嗰關至得。好彩型男唔單止睇得，舞技仲非常唔錯，妍女父母都非常滿意。妍女見父母點頭，竟然急不及待拉咗型男入去洞房。揀老公，自己揀先至最好！
阿豪