樓高六層
講到北上尋歡，好多好此道嘅朋友都會興奮莫名，因為內地夜場裝修豪華，地方廣闊，入面嘅南北佳麗各有美態，最難得係收費唔高，所以好多男士點都要搵藉口瞞住老婆去玩。然而，內地嘅夜場並唔係完全都以豪裝又或者高質素囡囡作招徠，好似最近海南省出現嘅一間人肉超市咁，就以又平又快嘅經營手法吸收客人喇！
呢間人肉超市之所以得名，皆呢處本身係一棟六層高嘅民居，及後全棟被改變用途，成為小姐嘅搵食集中地。呢棟每層有八間房嘅民居，每一間都由幾個小姐聯營，大家若果夠想像力，就可以諗到每間房有三個小姐於房門駐足，八間房就有二十四位小姐咁多，而客人一上到去就好似進入超市購物一樣，對小姐逐一評頭品足一番。如果一層樓嘅小姐唔合眼緣，大可以更上一層樓，將六層樓當中接近一百名小姐仔細觀察，然後先決定幫襯與否。
極盡挑逗
人肉超市標榜快捷、方便又自在嘅尋歡過程，所以有客人內進之時，一般都唔會好似去到夜總會或骨場一樣，有經理上前熱情招呼，一來慳人手，二來可避免客人感到尷尬而打退堂鼓。不過，冇經理之類嘅負責人招呼，並唔代表缺少互動情節喎！因為駐場嘅小姐唔單止衣着暴露，說話亦同樣大膽露骨。
曾經光顧過一次嘅小黃表示，本因好奇去觀摩一下，但係就畀一位小姐挑起濃厚興趣，小黃話：「我本來是跟朋友去參觀的，但是當我進去以後，就看到很多身材豐滿，衣着非常性感的小姐，這已經令我覺得有點興奮。有一位小姐向我搭訕，一邊用手纏着我頸部，一邊問我『我的胸部很大嗎？要不要入房摸摸看？』老實說，我也算是老手，但是任何一個夜場的小姐也不會省掉打招呼的開場白，直接就叫客人入房的。經過她的語言挑逗，我最後也是把持不住。」
密食當三番
內地嘅夜蒲消費一向都係豐儉由人，而人肉超市嘅立腳點就係平價服務喇！正所謂密食當三番，山大斬埋有柴，總會有豐厚利錢可以賺到！而且，人肉超市附近就有工廠區，一般嘅民工都付唔起高消費，為咗解決需要，於是就選擇又平又快捷嘅人肉超市喇！
另一方面，人肉超市嘅營業時間同一般超市差不多，大概朝早八點幾就開門做生意。佢哋咁早開門嘅原因，相信正是針對附近工人早上偷食，然後再身心舒暢咁返工。而民工到收工返到屋企啲香水味都冇晒，又再一次成功瞞住屋企隻老虎乸，實在啱晒有家室嘅男士光顧！不過，由於人肉超市成功搶灘，客人絡繹不絕，甚至出現大排長龍嘅情況，於是就引起當地有關部門嘅注意，繼而進行打擊。不久之前已經被有關當局出手掃蕩，成功將有關人等帶到派出所接受進一步調查。
撰文：豪