發育期嘅後生仔總會對性事產生好奇心，正常又適當嘅發洩未嘗唔係平衡身心嘅途徑，但係過多就會傷身喇！所以好多阿爸都會勸告乖仔記住身體要緊，千祈唔好過度縱慾。不過，後生仔有多餘體力係咪一定要以自娛先發洩到呢？我諗就未必喇！
阿傑係一位雙失青年，而且仲連女朋友都搵唔到一個，所以終日只識得關上房門打機。今日，阿爸好奇咁從匙孔偷窺乖仔，點知就見到阿仔背住房門，雙手不斷上下搖動！
阿爸做咗幾十年男人，都知道自娛過量會傷身，而且終日關埋喺房自娛唔搵個女友拍拖，個仔難免心理不平衡，愛子心切嘅阿爸即時衝門而入，希望將乖仔從慾海之中拯救。
阿爸一開門，乖仔就轉身睇吓邊個，呢個時候阿爸先發現乖仔一手拎住皮鞋，一手拎住抹布，原來阿仔剛才雙手不斷上下搖動，只不過係幫阿爸擦靚對皮鞋咋！阿爸你誤會晒喇！
賢