並非每個人喺愛情路上都順風順水，少不免會受到愛情障礙所困擾。呢個時候，有人便選擇利用逃避嚟作為解脫，而單身主義便由此抬頭。不過，單身唔一定唔快樂，亦未必自由。既然如此，究竟你嘅性格係咪具有單身生活嘅潛質呢？想知答案嘅話，玩過下面嘅心理測驗，便能有所了解。
問題：假如你喺餐廳度，見到一個妙齡少女獨自坐喺卡位度飲咖啡，直覺話畀你知佢喺度等緊邊個呢？
A. 舊情人
B. 好朋友
C. 新男友
A. 自我防衞
你喺愛情路上，可能曾經受過傷害，令你產生一種抗拒心理。由於受到呢種心理影響嘅緣故，令你容易對其他人產生戒心。當人哋行前一步時，便會令你不自禁退後一步，令你難以展開一段關係。
B. 享受戀愛
享受戀愛嘅你，渴望沉醉喺愛情之中，你認為每次失戀，都係為咗迎接下一段新嘅戀情。因而每當你甩拖之後，好快就能夠搵到下個目標，並且火速同對方撻着。單身對你嚟講，只係一個遙遠嘅名詞。
C. 重友輕色
鍾意同朋友一齊玩樂多於享受二人世界嘅你，認為朋友重於一切。因而讓情人覺得你需要朋友多過佢，喺缺乏關心嘅情況下，最終落得分手收場。你未覺得愛情重要而同異性發生感情，只是誤人誤己。
阿豪