大家都有聽過行為藝術呢家嘢，講真唔係呢種人又真係幾難明白，有人失驚無神喺街淋油漆，整到自己成個顏色人，咁就係一種藝術，大家明唔明。夜場有無人玩呢家嘢？當然係有，刮王早前由朋友帶去一個場，見到台上嘅小姐同一般場無乜分別，都係着到性感又靚女，但係唯一嘅分別就係佢哋喺台上表現嘅時候係唔郁嘅。咁即係搞乜鬼。
原來呢間場入面嘅人都係來自玩藝術嘅一群，有從事美術設計，亦有唔少設計師在內，間場嘅經理話呢一類人嚟玩就唔一定要見到小姐們脫光全身，反而好想見到佢哋做一類同自己工作有關嘅活動，咁即係點呀，唔通要佢哋淋到全身係油漆？咁又唔使，不過佢哋企喺台上每個動作都會停好幾分鐘，然後就畀時間台下客人慢慢欣賞，原來呢種騷就係為咗滿足呢班客人。
講真句如果你唔係呢類人，刮王真係勸你唔好入去，因為坐得半粒鐘已經悶到暈。睇完之後就喺度諗，呢類藝術家咁特別，如果同小姐入房之後會點？會唔會叫小姐坐喺度唔好郁然後慢慢睇？咁佢哋又會唔會同小姐埋身肉搏呢？如果真係開戰，咁佢哋又點樣欣賞呢！
刮王