每次落酒吧，啲囡囡都會黐埋嚟，問我呢樣問我嗰樣，但其實來來去去，都係問佢哋嘅男朋友係咪一個花心蘿蔔。其實男人大部分都係，要佢哋唔花心我睇都幾難，但要知佢哋有幾花心，就難唔倒我，只要玩吓以下嘅心理測驗，馬上現形。
選擇：當你口渴時，你最想飲嘅飲品係？
A.汽水 B.啤酒 C.健康飲品
答案分析：
A.花心指數60%
選擇汽水嘅朋友，佢除咗要求即時解渴之外，仲想飲一啲甜嘢，而甜可以解釋為着數或者誘惑，所以選擇汽水嘅朋友，平時可能唔會花心，但一遇上着數或者誘惑，佢就會把持唔住，做出越軌嘅行為，呢種人一定要小心睇住，睇漏一眼都會做錯事。
B.花心指數80%
選擇啤酒嘅朋友，無論做任何事，都係以自己嘅習性出發，你話天下間邊個男人唔多情？所以佢哋都係極度花心嘅人，老婆女友嘅說話，佢哋全當耳邊風，只要有機會畀佢哋花心，佢哋一定會做，呢種人管都管唔住，建議趁早放棄吧！
C.花心指數30%
選擇健康飲品嘅朋友，一切都以健康為出發點，追求平衡和諧，所以佢哋一有家室或者愛侶之後，就很少會出外拈花惹草。呢類人睇嚟好似安全，但因為比較念舊，小心舊情人返嚟搞佢，所以都有三成花心嘅機會，適當時要嚴加看管。