絕大多數AV迷都係貪新厭舊，當見到新進女優出台時，便會爭相觀摩一番，希望能率先一睹女優誘人魅力。為咗標榜初出道嘅AV女優所帶嚟嘅新鮮感，有AV片商便將佢哋冠以「初花」之名，希望能夠吸引AV迷嘅眼球。
所謂「初花」，喺日文中嘅原意係指初長成嘅少女，由於佢哋好似剛長成嘅小花一樣，青春味十足，故此得到呢個稱呼。AV片商便睇中呢個詞語嘅特性，將佢用喺剛出道嘅AV女優身上，用以顯示該名女優青春無敵之餘，亦暗示佢哋拍拖經驗少，故此缺乏床上經驗，床上演出一啲都唔做作，對於希望欣賞女優床上真反應嘅AV迷嚟講，有着一定嘅吸引力。
講到最初利用「初花」呢個詞語嚟推介新人嘅AV片商，就係九鬼株式會社旗下品牌「綺麗」嘞！而第一個以呢個方法推出市場嘅女優，就係大家熟悉嘅小川流果。事關「綺麗」對呢位報稱受過體操訓練，身體柔軟度極高嘅女優，抱着極大嘅期望，而為咗能夠凸出佢嘅新鮮感，及小川妹初經人事嘅怕醜感覺，於是便為其度身定造「初花」系列。
經過「綺麗」多年經營，「初花」系列已廣為AV迷熟悉，而能夠以「初花」之名出道嘅女優，都有一個特點，就係睇起嚟感覺相當青春及清純，身材普遍唔算突出，但嬌膚非常白皙。簡單嚟講，就好似啱啱喺溫室出嚟嘅小花般，唔知呢種類型嘅女優，係咪大家嗰杯茶呢？
阿豪