煲 呔 曾 搞 個 四 千 元 大 學 生 實 習 就 業 計 劃 出 ， 好 單 純 咁 諗 住 幫 學 生 搵 份 工 就 得 ， 點 知 畀 人 插 到 體 無 完 膚 。 煲 呔 曾 早 前 去 浸 會 大 學 同 班 學 生 傾 就 業 問 題 ， 仲 話 同 班 學 生 有 講 有 笑 咁 ， 點 知 有 浸 大 學 生 踢 爆 ， 話 校 方 臨 時 安 排 學 生 同 煲 呔 曾 見 面 ， 又 唔 畀 學 生 提 尖 銳 問 題 ， 話 以 免 特 首 尷 尬 云 云 ， 搞 到 有 學 生 炮 轟 煲 呔 曾 同 校 方 夾 埋 做 政 治 騷 ， 實 際 想 幫 煲 呔 曾 提 升 民 望 。

唔 少 學 生 仲 討 論 區 留 言 ， 話 政 府 整 呢 個 「 奴 工 計 劃 」 ， 搞 到 成 個 薪 酬 架 構 下 跌 ， 學 生 個 個 無 啖 好 食 ， 依 家 煲 呔 曾 又 學 校 「 關 心 」 學 生 ， 根 本 係 貓 哭 老 鼠 假 慈 悲 ， 令 人 好 反 感 。 有 學 生 仲 話 ， 煲 呔 曾 咁 樣 分 明 搵 浸 大 學 生 過 橋 ， 諗 住 求 求 其 其 去 學 校 做 場 騷 ， 就 可 以 周 圍 同 人 講 已 經 聽 取 好 多 學 生 意 見 ， 怪 不 得 班 浸 大 學 生 咁 勞 氣 。

浸 大 發 言 人 就 話 ， 事 前 完 全 無 要 求 學 生 要 講 咩 ， 亦 無 阻 止 佢 發 問 尖 銳 問 題 。 查 實 多 間 大 學 學 生 會 已 經 發 聲 明 反 對 個 實 習 計 劃 ， 煲 呔 曾 真 係 咁 重 視 學 生 意 見 話 ， 咪 快 快 趣 趣 諗 點 補 鑊 囉 ， 實 際 過 落 區 做 騷 多 多 聲 ！