經 濟 蕭 條 嚇 窒 唔 少 賭 仔 ， 但 尋 日 沙 田 馬 場 依 然 熱 鬧 ， 賭 王 何 鴻 燊 同 四 太 梁 安 琪 齊 齊 現 身 捧 愛 駒 「 爆 冷 」 及 「 爆 炸 」 場 ， 四 太 無 懼 秋 涼 寒 風 ， 照 樣 穿 一 襲 黑 色 背 心 連 身 裙 ， 露 出 白 滑 手 臂 ， 卓 妮 都 擔 心 佢 會 冷 傷 風 。

全 世 界 限 量 五 個
四 太 一 身 低 調 黑 裙 ， 完 全 係 為 配 襯 佢 手 上 絕 版 Dior 靚 手 袋 ， 畀 個 手 袋 更 突 出 。 四 太 介 紹 話 ， 個 手 袋 係 佢 日 前 同 燊 哥 去 北 京 出 席 Dior 手 袋 展 覽 時 戰 利 品 ， 當 日 佢 睇 見 呢 款 大 紅 手 袋 就 愛 不 釋 手 ， 因 為 手 袋 夠 別 致 ， 繡 上 蓮 花 圖 案 之 餘 ， 個 手 挽 柄 仲 係 兩 條 精 心 雕 製 飛 龍 ， 手 袋 全 球 只 有 五 個 ， 絕 對 係 身 份 象 徵 。

四 太 話 ， 大 會 見 她 咁 鍾 意 ， 加 上 佢 係 Dior 長 期 客 仔 ， 索 性 送 個 手 袋 四 太 開 心 ， 難 怪 佢 尋 日 忍 唔 住 騷 身 家 。 個 手 袋 一 都 唔 輕 ， 卓 妮 借 挽 上 手 ， 感 覺 起 碼 有 一 至 兩 磅 重 ， 四 太 友 人 就 笑 騎 騎 話 ， 四 太 放 好 多 錢 手 袋 入 邊 ， 梗 係 重 手 喇 。 燊 哥 隻 「 爆 冷 」 最 後 贏 出 第 八 場 「 國 泰 航 空 香 港 盃 賽 」 ， 捧 走 一 百 七 十 幾 萬 獎 金 ， 四 太 又 再 威 番 次 。

發 叔 落 場 無 父 子
卓 妮 轉 頭 撞 見 鄉 議 局 主 席 劉 皇 發 ， 發 叔 同 發 嬸 齊 齊 入 場 捧 愛 駒 「 真 龍 船 」 場 ， 咁 得 咁 蹺 ， 佢 公 子 劉 業 強 都 有 馬 出 場 ， 佢 隻 「 好 知 己 」 仲 要 同 老 竇 隻 馬 同 場 較 量 ， 結 果 發 叔 隻 馬 跑 第 二 ， 業 強 隻 馬 就 冇 晒 影 ， 睇 都 係 薑 愈 老 愈 辣 。 卓 妮 問 發 叔 點 睇 佢 兄 弟 立 法 會 議 員 張 學 明 誤 墮 雷 曼 債 券 陷 阱 ， 發 叔 話 佢 自 己 冇 買 ， 佢 話 張 學 明 只 係 買 幾 十 萬 ， 數 目 好 少 之 嘛 ， 大 家 唔 使 擔 心 喎 。

同 場 仲 有 百 仁 基 金 副 主 席 施 榮 忻 ， 佢 帶 埋 五 歲 囡 囡 施 曉 洋 入 場 ， 卓 妮 見 曉 洋 左 邊 面 珠 瘀 腫 一 大 片 ， 細 問 之 下 ， 原 來 係 日 前 酒 樓 食 飯 時 唔 小 心 撞 親 角 ， 嚇 到 施 生 心 都 離 晒 ， 好 彩 囡 囡 冇 毀 容 ， 尋 日 佢 專 登 帶 囡 囡 入 場 試 騎 大 會 設 置 騎 馬 仔 機 ， 曉 洋 即 時 忘 記 面 珠 痛 ， 笑 番 晒 。

卓 妮