讀 書 時 每 逢 漫 畫 節 例 必 排 隊 掃 首 辦 模 型 ， 到 大 個 見 老 麥 玩 具 得 意 ， 總 會 忍 唔 住 手 食 多 兩 個 餐 ， 慢 慢 連 電 器 舖 、 服 裝 店 都 滲 入 各 種 卡 通 Crossover ， 估 唔 到 這 些 玩 具 的 背 後 係 有 一 班 本 地 原 型 師 為 我 們 精 心 創 作 。 今 日 便 找 來 曾 設 計 多 啦 A 夢 、 阿 童 木 、 超 人 、 霸 刀 等 多 款 動 漫 精 品 的 原 型 師 DIO ， 醒 大 家 四 式 製 作 首 辦 模 型 ， 原 來 屋 企 用 紙 黏 土 做 一 樣 掂 。

撰 文 ： 鍾 鎮 科

攝 影 ： 譚 建 章

首 辦 背 後 的 Toy Story

DIO 的 別 名 叫 太 歲 ， 睇 開 本 地 漫 畫 的 都 估 到 他 是 《 霸 刀 》 Fans ， 其 實 九 十 年 代 DIO 已 負 責 製 作 《 刀 劍 笑 》 和 《 霸 刀 》 首 辦 精 品 ， 最 記 得 當 年 漫 畫 節 興 玩 特 別 版 首 辦 精 品 ， DIO 便 用 透 明 PU 膠 做 了 小 量 特 別 版 霸 刀 益 粉 絲 ， 點 知 去 到 會 場 見 到 貨 架 疊 到 一 座 山 咁 高 ， 他 便 隨 手 將 特 別 版 霸 刀 「 攝 」 入 頭 幾 盒 內 ， 誰 知 開 賣 時 頭 幾 位 個 個 都 中 獎 ， 排 後 面 的 人 便 打 起 交 上 來 ， 諗 番 起 每 隻 首 辦 背 後 都 有 血 有 淚 。

專 家 教 路 四 大 技 巧

香 港 第 一 代 的 首 辦 師 可 說 是 由 電 影 道 具 行 業 演 變 而 來 ， 一 般 人 想 入 門 相 當 困 難 ， 而 DIO 卻 自 闢 路 徑 ， 拎 住 日 本 雜 誌 雕 住 石 粉 紙 黏 土 鍛 煉 技 巧 ， 更 走 到 化 工 舖 買 料 做 實 驗 ， 用 補 車 的 原 子 灰 、 牙 醫 的 泯 刀 乜 古 怪 都 諗 過 ， 慢 慢 結 識 到 一 班 行 內 人 。 他 認 為 做 首 辦 首 要 有 耐 性 和 心 機 ， 慢 慢 自 然 訓 練 出 塑 、 雕 、 磨 、 補 四 大 技 巧 。

第 一 式 ： 當 紙 黏 土 未 定 形 時 ， 先 用 塑 筆 設 計 好 骨 架 和 手 腳 大 小 ， 最 基 本 由 脊 骨 練 習 開 始 。

第 二 式 ： 焗 硬 後 利 用 雕 刻 刀 雕 出 想 要 的 紋 理 ， 例 如 肌 肉 毛 髮 等 ， 或 修 補 不 合 理 的 部 位 。

第 三 式 ： 紙 黏 土 常 見 粗 糙 部 分 和 出 現 裂 紋 ， 需 要 用 挫 或 沙 紙 細 心 打 磨 ， 令 首 辦 更 光 滑 。

第 四 式 ： 若 裂 紋 太 大 或 一 時 錯 手 雕 錯 時 ， 便 可 利 用 原 子 灰 和 催 化 劑 修 補 耗 損 部 分 。

屋 企 做 首 辦 一 樣 掂

別 以 為 首 辦 一 定 要 在 工 場 製 作 ， 其 實 屋 企 DIY 一 樣 掂 ， 最 簡 單 就 是 由 紙 黏 土 做 起 ， 有 信 心 的 話 可 以 用 專 業 的 Sculpey 塑 泥 造 型 。 利 用 雕 塑 技 巧 做 好 雛 形 後 ， 便 可 以 沙 紙 進 行 打 磨 ， 放 入 焗 爐 焗 乾 再 重 複 四 五 次 磨 靚 便 大 致 完 成 。

DIO 做 的 《 死 亡 筆 記 》 死 神 流 克 ， 就 是 這 樣 花 了 一 個 星 期 完 成 ， 當 然 進 階 玩 家 之 後 可 嘗 試 自 己 噴 灰 、 倒 模 、 注 膠 ， 又 或 者 加 入 各 種 飾 物 配 件 ， 最 緊 要 唔 好 心 急 ， 初 做 時 先 一 步 一 步 做 好 骨 架 ， 熟 悉 過 程 和 技 巧 後 才 加 快 進 度 。

參 考 網 址 ： http://www.toysdaily.com

http://www.hkml.net

材 料 篇

Step 1 ： 首 辦 的 骨 架 最 適 合 以 紙 黏 土 和 Sculpey 製 作 ， 前 者 $30 有 交 易 ， 後 者 都 是 $100 左 右 。

Step 2 ： 常 用 的 工 具 有 雕 刻 刀 、 打 磨 銼 、 界 刀 、 刮 泥 刀 和 泯 刀 ， 一 般 文 具 店 和 工 藝 店 有 售 。

造 型 篇

Step 3 ： 先 做 好 首 辦 的 雛 形 ， 再 仔 細 雕 刻 修 補 ， 切 忌 心 急 ， 如 果 分 件 做 一 般 要 兩 星 期 才 完 成 。

Step 4 ： 放 入 焗 爐 抽 乾 水 分 令 塑 泥 堅 硬 再 進 行 打 磨 ， 經 多 次 磨 靚 後 便 大 致 完 成 。 講 究 的 話 可 噴 畢 地 補 凹 凸 位 。

加 工 篇

Step 5 ： 各 位 可 能 奇 怪 一 般 見 到 的 首 辦 是 硬 膠 質 料 ， 因 為 他 們 是 經 過 注 膠 倒 模 過 程 。 進 階 玩 家 完 成 塑 泥 骨 架 後 ， 其 實 一 樣 可 以 倒 入 矽 膠 模 。

Step 6 ： 用 界 刀 小 心 開 矽 膠 後 ， 取 出 塑 泥 骨 架 ， 便 可 利 用 這 個 矽 膠 模 注 入 PU 膠 大 量 製 作 首 辦 。

點 睇 首 辦 靚 唔 靚 ？

巿 面 的 首 辦 模 型 有 些 幾 十 元 有 交 易 ， 有 些 卻 要 過 千 元 ， 除 了 與 手 工 和 大 小 有 關 外 ， 很 多 時 都 要 看 首 辦 能 否 發 揮 設 計 的 精 髓 。 而 判 斷 一 件 首 辦 好 與 壞 ， 首 先 要 看 其 結 構 比 例 ， 塑 泥 骨 架 有 否 落 足 心 機 ， 做 出 來 的 角 色 與 漫 畫 似 唔 似 。 而 專 業 的 原 型 師 更 會 在 角 色 以 外 加 入 個 人 味 道 ， 透 過 首 辦 表 達 背 後 意 念 。

上 位 本 地 設 計 師

鐵 人 兄 弟

由 William 、 Winson 及 Kenny （ 左 至 右 ） 三 人 組 成 的 鐵 人 兄 弟 於 2000 年 成 立 ， 以 Brothersworker 系 列 打 響 名 堂 ， 每 隻 Figure 都 擁 有 不 同 的 設 計 與 個 性 ， 造 工 精 細 富 生 命 力 ， 廣 受 歐 美 玩 家 愛 戴 ， 同 時 亦 跟 多 個 品 牌 合 作 推 出 搪 膠 公 仔 。

Michael Lau

常 與 潮 流 品 牌 合 作 的 Michael Lau ， 最 廣 為 人 知 的 是 曾 替 林 海 峰 和 LMF 成 員 設 計 Figure ， 不 過 要 數 具 代 表 性 的 公 仔 就 要 說 其 Gardener 12 吋 系 列 ， 由 漫 畫 故 事 到 現 時 創 作 過 百 位 角 色 ， 將 潮 流 、 藝 術 與 玩 具 結 合 ， 深 受 潮 人 歡 迎 。

DIO 首 辦 創 作 時 序

1987 年 中 學 時 代 以 紙 黏 土 製 作 首 辦 模 型

1990 年 以 街 霸 系 列 參 加 日 本 Wonder Festival 展 覽

1992 年 畢 業 後 一 邊 幫 屋 企 工 作 一 邊 以 不 同 材 料 創 作 首 辦

1995 年 日 本 雜 誌 《 Newtype 》 刊 登 魔 法 騎 士 龍 嘯 海 ， 大 受 好 評 ， 即 使 賣 9,800 日 圓 一 樣 賣 幾 百 隻

1996 年 為 《 霸 刀 》 漫 畫 推 出 一 系 列 首 辦 ， 成 為 全 職 原 型 師

1998 年 首 隻 12 吋 衫 公 仔 超 人 迪 加 及 吉 田 在 港 日 熱 賣

2000 年 科 網 爆 破 令 日 本 經 濟 不 景 氣 ， 首 辦 由 日 本 轉 至 本 地 巿 場

2003 年 為 《 尋 找 周 杰 倫 》 、 《 飛 鷹 》 等 電 影 製 作 道 具

2005 年 為 大 型 連 鎖 店 設 計 《 多 啦 A 夢 》 、 《 怪 醫 秦 博 士 》 等 精 品

2006 年 開 班 授 徒 並 在 Product Design 學 校 分 享 製 作 技 巧 ， 徒 弟 們 創 作 了 Backcross 怪 獸 系 列

2008 年 創 作 Designer Toys 及 DIO Doll 女 娃 系 列 ， DIO 女 娃 還 在 試 作 階 段 ， 稍 後 完 成 品 會 推 出 1:2 及 1:4 版