尋 日 係 黃 毓 民 生 日 兼 社 民 連 兩 周 年 黨 慶 ， 社 民 連 一 連 兩 日 酒 樓 筵 開 一 百 二 十 圍 慶 祝 ， 太 太 、 仔 女 、 新 抱 同 孫 仔 齊 齊 出 席 ， 可 謂 「 雙 喜 臨 門 」 ， 作 為 黨 主 席 兼 壽 星 公 毓 民 唔 使 講 梗 係 開 心 到 暈 啦 ， 毓 民 孫 仔 啟 聖 眼 仔 碌 碌 不 知 幾 可 愛 ， 搶 晒 毓 民 鏡 做 主 角 。 毓 民 成 晚 一 有 機 會 就 抱 住 孫 仔 ， 不 過 孫 仔 一 樣 無 面 畀 ， 話 喊 就 喊 ， 平 時 聲 大 大 毓 民 都 無 晒 符 ， 惟 有 講 句 ： 「 畀 面 好 喎 ！ 」

好 多 人 都 知 孫 仔 係 毓 民 心 肝 寶 貝 ， 原 來 孫 仔 生 日 只 係 遲 毓 民 兩 日 ， 即 係 聽 日 就 一 歲 生 日 。 毓 民 太 太 話 ， 尋 晚 順 便 慶 祝 埋 孫 仔 生 日 ， 咁 講 法 ， 原 來 今 次 係 三 喜 臨 門 先 。 呢 排 毒 奶 粉 橫 行 ， 問 起 毓 民 太 太 個 寶 貝 孫 有 冇 受 毒 奶 粉 影 響 ？ 黃 太 話 孫 仔 依 家 食 緊 奶 粉 係 美 國 貨 ， 屋 企 仲 有 好 多 存 貨 ， 不 過 講 唔 擔 心 就 假 ， 為 等 佢 盡 量 飲 少 奶 粉 ， 孫 仔 依 家 奶 粉 、 糊 仔 兩 樣 間 住 咁 食 ， 認 真 係 難 為 天 下 父 母 。

專 業 會 議 撐 社 民 連 ？
講 返 尋 晚 周 年 晚 宴 ， 出 席 泛 民 議 員 只 有 社 福 界 張 國 柱 ， 估 唔 到 最 畀 面 反 而 係 政 見 唔 同 專 業 會 議 ， 劉 秀 成 同 石 禮 謙 雙 雙 到 賀 ， 劉 秀 成 話 自 己 係 陳 偉 業 大 學 師 兄 ， 大 舊 石 就 話 同 毓 民 係 多 年 朋 友 。 民 主 黨 主 席 何 俊 仁 尋 日 已 經 到 場 支 持 ， 唯 獨 公 民 黨 兩 晚 都 無 人 應 約 ， 唔 通 因 為 選 舉 期 間 恩 恩 怨 怨 而 未 能 釋 懷 ？

長 毛 以 陶 淵 明 喻 肥 亨

不 過 ， 當 大 家 食 緊 壽 包 之 際 ， 肥 亨 馬 時 亨 忽 然 殺 到 ， 佢 話 特 登 為 毓 民 賀 壽 。 原 來 佢 同 毓 民 識 好 耐 ， 大 家 又 都 係 基 督 徒 ， 怪 不 得 咁 老 友 喇 ！ 長 毛 就 將 肥 亨 與 陶 淵 明 相 提 並 論 ， 話 佢 久 在 樊 籠 ， 復 得 反 自 由 ， 讚 佢 離 開 政 府 重 復 自 由 。 肥 亨 連 毓 民 、 長 毛 都 掂 ， 認 真 有 一 手 ！