玉 兔 ， 集 純 潔 、 可 愛 於 一 身 ， 與 玉 女 的 形 象 不 謀 而 合 ； 當 玉 女 遇 上 玉 兔 ， 一 段 愛 的 故 事 也 隨 即 發 生 … …

新 一 代 玉 女 、 樂 壇 新 人 唐 素 琪 （ Chelsea ） ， 半 年 前 在 寵 物 店 巧 遇 一 對 可 愛 的 貓 貓 兔 ， 一 刻 的 「 觸 電 感 」 令 她 變 身 為 不 折 不 扣 的 兔 友 。 自 此 之 後 ， 兩 隻 小 兔 猶 如 嫦 娥 身 邊 的 玉 兔 ， 一 直 留 守 於 Chelsea 的 寢 宮 ， 過 幸 福 快 樂 的 日 子 … …

撰 文 ： 司 徒 德 琳 　 攝 影 ： 胡 淑 儀 　 髮 型 ： Vince Pang @ IL Colpo

有 心 養 一 定 得
人 靚 聲 甜 的 Chelsea ， 除 了 熱 愛 唱 歌 外 ， 亦 喜 歡 小 動 物 ， 尤 以 兔 仔 最 得 她 歡 心 。 半 年 前 ， Chelsea 便 在 寵 物 店 「 邂 逅 」 了 兩 隻 可 愛 的 小 兔 — Preter 及 小 波 子 。 「 飼 養 初 期 ， 我 都 擔 心 冇 時 間 照 顧 佢 ， 原 來 只 要 肯 付 出 ， 冇 係 做 唔 到 。 依 家 我 每 日 都 一 定 會 抽 個 幾 鐘 ， 放 兩 隻 兔 兔 屋 企 四 圍 走 ， 畀 佢 有 適 量 運 動 。 但 為 安 全 起 見 ， 一 定 要 全 程 實 佢 動 向 ， 因 為 兔 仔 好 鍾 意 咬 電 線 ， 試 過 有 一 次 走 漏 眼 ， Preter 就 將 我 部 絕 版 遊 戲 機 電 線 咬 斷 ， 真 係 睇 少 一 陣 都 唔 得 ！ 」

養 兔 要 愛 心 + 細 心
為 了 好 好 照 顧 兩 隻 兔 兔 ， Chelsea 特 別 請 有 養 兔 經 驗 的 朋 友 ， 又 閱 讀 相 關 書 籍 ， 有 愛 心 又 夠 細 心 ， 堪 稱 兔 友 典 範 。 這 一 天 ， Chelsea 便 帶 Preter 一 邊 做 訪 問 ， 一 邊 晒 恩 愛 。 為 何 撇 下 小 波 子 不 理 ？ Chelsea 表 示 ， 由 於 小 波 子 有 4 隻 牙 齒 過 長 ， 若 不 理 它 ， 不 但 會 弄 傷 牙 肉 ， 還 會 影 響 兔 仔 進 食 ， 所 以 要 安 排 牠 做 手 術 ， 把 過 長 的 牙 齒 剝 掉 。 「 其 實 小 波 子 身 體 經 常 出 現 毛 病 ， 醫 生 指 ， 係 抵 抗 力 差 所 致 ， 即 使 係 傷 風 感 冒 ， 都 要 治 療 好 長 時 間 先 可 以 康 復 ， 所 以 佢 身 形 一 直 比 較 瘦 削 ， 惟 有 細 心 照 料 ， 希 望 佢 可 以 慢 慢 強 壯 番 。 」

對 於 一 眾 有 意 飼 養 兔 仔 的 朋 友 ， Chelsea 有 以 下 建 議 ： 「 首 先 一 定 要 有 無 比 愛 心 、 耐 性 ， 因 為 兔 兔 唔 同 貓 狗 ， 唔 識 聽 主 人 說 話 ， 所 以 照 料 佢 會 比 貓 狗 更 花 心 機 。 另 外 ， 大 家 千 祈 唔 好 抱 三 分 鐘 熱 度 心 態 飼 養 寵 物 ， 熱 情 過 後 就 將 佢 隨 處 棄 掉 ， 咁 樣 做 實 在 好 過 分 ！ 」

免 費 領 養 兔 仔
相 傳 兔 仔 有 勇 於 犧 牲 的 精 神 ， 感 動 了 3 位 神 仙 ， 得 以 長 居 月 宮 。 想 學 嫦 娥 一 樣 有 兔 仔 相 伴 ？ 是 時 候 「 惡 補 」 一 下 養 兔 知 識 了 。 據 「 香 港 兔 友 協 會 」 發 言 人 Joanna 指 出 ， 現 時 協 會 約 有 數 十 隻 兔 兔 等 人 領 養 ， 全 部 已 進 行 絕 育 手 術 ， 費 用 全 免 ， 惟 要 求 領 養 者 愛 心 爆 棚 ， 因 兔 仔 的 平 均 壽 命 約 7 至 10 年 ， 想 與 兔 為 伴 的 有 心 人 ， 必 須 有 飼 養 牠 們 終 老 的 承 擔 。

Joanna 又 表 示 ， 跟 兔 仔 相 處 ， 最 緊 要 有 溝 通 ， 記 得 每 天 抽 點 時 間 跟 牠 們 談 天 、 輕 撫 牠 們 。 有 些 人 怕 兔 仔 通 屋 跳 ， 製 造 險 象 ， 於 是 整 天 把 牠 困 於 籠 內 ， 原 來 適 量 的 運 動 對 其 健 康 十 分 重 要 ， 每 天 最 好 讓 牠 們 在 屋 內 走 動 至 少 4 小 時 。 此 外 ， 兔 仔 是 天 生 喜 歡 啃 咬 東 西 的 動 物 ， 應 確 保 家 中 的 電 線 、 植 物 、 家 具 、 地 氈 等 收 納 妥 當 ， 以 防 發 生 家 居 意 外 。