陳 慧 琳 （ Kelly ） 在 個 唱 上 宣 布 與 拍 拖 十 六 年 的 男 友 劉 建 浩 （ Alex ） 結 婚 ， 哄 動 全 城 。 Kelly 前 晚 憶 述 男 友 手 持 六 卡 鑽 戒 跪 地 求 婚 時 喜 極 而 泣 ， 她 哽 咽 說 ： 「 我 鍾 意 呢 個 男 仔 十 幾 年 ， 呢 個 男 仔 好 好 ！ 」 並 向 男 友 許 下 愛 的 承 諾 ， 恩 愛 之 情 羨 煞 旁 人 。

前 晚 ， Kelly 在 個 唱 上 當 父 母 、 未 來 老 爺 奶 奶 、 經 理 人 鍾 珍 及 歌 迷 宣 布 結 婚 ， 全 場 歌 迷 即 時 起 哄 歡 呼 ， 鍾 珍 亦 忍 不 住 感 動 落 淚 。 個 唱 encore 三 次 後 ， 大 批 歌 迷 仍 依 依 不 捨 不 願 離 去 ， 要 Kelly 再 度 出 場 獻 唱 《 一 切 很 美 只 因 有 你 》 。 Kelly 唱 完 後 高 呼 ： 「 多 謝 晒 你 ， 後 會 有 期 ！ 」 完 場 後 ， Kelly 與 經 理 人 鍾 珍 、 陳 父 （ 陳 崇 偉 ） 、 雷 頌 德 、 奚 仲 文 及 一 眾 工 作 人 員 前 往 酒 店 慶 功 ， 惟 未 見 陳 母 現 身 。 近 百 歌 迷 追 隨 Kelly 到 慶 功 宴 ， 並 紛 紛 送 上 祝 福 ， 記 者 上 前 祝 賀 並 稱 她 為 「 劉 太 」 時 ， Kelly 即 爆 兼 扮 鬼 臉 ， 十 分 受 落 。

婚 後 不 設 防
問 男 友 為 何 沒 現 身 捧 場 ？ Kelly 說 ： 「 佢 冇 飛 呀 ， 畀 人 搶 晒 ！ 」 對 於 父 親 坦 言 恨 抱 孫 ， Kelly 又 再 扮 鬼 臉 地 說 ： 「 盡 快 啦 ， 都 要 有 先 得 ！ （ 婚 後 不 設 防 ？ ） 係 ， 要 造 人 ！ （ 生 幾 個 ？ ） 生 住 一 個 先 ， 睇 痛 唔 痛 。 」 當 Kelly 得 悉 陳 父 會 親 自 設 計 嫁 妝 給 自 己 時 ， Kelly 即 嬌 嗲 謂 ： 「 要 大 粒 ！ 」

談 到 男 友 如 何 求 婚 時 ， Kelly 不 禁 流 出 開 心 眼 淚 說 ： 「 有 日 朝 早 我 醒 ， 佢 打 電 話 話 要 去 第 二 度 做 ， 點 知 我 一 打 開 房 門 就 見 到 佢 ， 佢 拉 我 去 床 邊 坐 ， 然 後 單 腳 跪 低 住 隻 戒 指 ， 我 已 經 喊 晒 ， 仲 以 為 自 己 發 緊 夢 ！ 」

承 諾 不 分 離
Kelly 表 示 男 友 的 求 婚 戒 指 重 六 卡 ， 又 稱 男 友 是 在 父 親 的 鑽 飾 公 司 購 買 ， 笑 言 貨 真 價 實 。 問 Kelly 有 甚 麼 愛 的 承 諾 時 ， 她 認 真 地 想 了 一 會 說 ： 「 希 望 我 一 生 一 世 愛 大 家 ， 一 齊 到 老 。 」 Kelly 透 露 婚 期 原 本 訂 在 九 月 ， 但 酒 店 已 爆 滿 而 要 改 期 ， 她 說 ： 「 我 想 秋 天 ， 婚 紗 冇 咁 凍 ！ （ 有 咩 禮 物 送 畀 男 友 ？ ） 仲 送 ？ 成 個 人 送 晒 畀 佢 ， 大 佬 ， 仲 想 點 ？ 」 至 於 鍾 珍 則 踢 爆 Kelly 未 來 奶 奶 知 道 二 人 宣 布 結 婚 時 ， 開 心 到 腳 震 震 。

昨 日 傍 晚 六 時 半 ， Alex 、 陳 父 、 Kelly 助 手 、 鍾 珍 及 眾 親 友 先 後 前 往 Kelly 位 於 加 多 利 山 的 寓 所 ， 其 助 手 手 持 多 袋 超 市 食 品 前 往 ， 據 悉 是 舉 行 派 對 慶 祝 。 至 於 Alex 則 獨 自 駕 車 抵 達 ， 被 大 批 記 者 圍 影 時 更 向 記 者 笑 言 ： 「 停 車 場 就 唔 好 影 喇 ， 係 影 就 影 靚 。 」

文 ： 音 樂 組