政 府 放 寬 再 培 訓 局 收 生 資 格 ， 凍 結 差 唔 多 五 年 四 十 一 億 外 傭 稅 又 終 於 可 以 動 用 ， 可 能 再 培 訓 局 主 席 田 北 辰 一 心 諗 住 大 展 拳 腳 ， 尋 日 記 者 會 上 ， 講 大 ， 或 者 誤 會 自 己 職 權 範 圍 。

田 二 少 記 者 會 度 大 談 未 來 發 展 大 計 ， 因 為 服 務 對 象 包 埋 十 五 歲 以 上 青 少 年 ， 同 勞 工 處 做 緊 展 翅 同 青 見 計 劃 撞 晒 ， 記 者 問 佢 資 源 會 唔 會 重 疊 ， 佢 就 話 再 培 訓 局 主 力 統 整 所 有 資 源 ， 包 括 十 五 至 三 十 歲 培 訓 工 作 ， 保 證 唔 會 同 其 他 機 構 重 疊 ， 仲 話 第 時 其 他 機 構 包 括 勞 工 處 、 職 訓 局 都 只 係 執 行 機 構 ， 搞 咩 計 劃 都 要 問 過 佢 先 ， 絕 對 可 以 保 證 唔 會 浪 費 公 帑 。

田 二 少 可 能 當 自 己 係 培 訓 首 長 ， 講 失 晒 控 ， 難 為 由 政 府 借 調 過 去 做 行 政 總 監 潘 婷 婷 側 邊 聽 到 滴 晒 汗 ！ 二 少 愈 講 愈 大 ， 潘 婷 婷 終 於 忍 唔 住 話 要 補 充 清 楚 ， 講 明 再 培 訓 局 只 可 以 統 整 同 管 理 好 自 己 錢 ， 絕 對 唔 存 在 統 整 政 府 其 他 資 源 。 記 者 會 之 後 ， 潘 婷 婷 仲 逐 一 致 電 畀 記 者 解 釋 番 清 楚 ， 確 保 唔 會 有 人 將 二 少 「 誤 會 」 ， 當 係 真 一 樣 ， 寫 晒 出 街 。