日 本 殿 堂 級 漫 畫 《 足 球 小 將 》 入 面 有 個 葵 新 伍 ， 為 磨 練 自 己 ， 毅 然 放 棄 學 業 隻 身 遠 赴 意 大 利 學 踢 波 ， 並 得 到 國 際 米 蘭 青 睞 招 攬 成 青 年 軍 ， 而 呢 段 漫 畫 情 節 就 快 香 港 發 生 ！ 上 屆 榮 膺 「 全 港 學 界 精 英 賽 」 MVP 、 就 讀 仁 濟 醫 院 董 之 英 紀 念 中 學 葉 頌 朗 ， 去 年 暑 假 就 獲 得 球 會 傑 志 推 薦 到 意 甲 球 會 阿 特 蘭 大 受 訓 ， 而 過 程 中 其 出 色 表 現 更 得 到 羅 馬 球 探 垂 青 ， 有 意 招 攬 呢 位 「 Made In HK 」 學 界 首 席 球 員 ！

阿 特 蘭 大 受 訓 開 眼 界
上 屆 以 隊 長 身 份 ， 率 領 董 之 英 稱 霸 全 港 學 界 葉 頌 朗 ， 其 擔 任 全 能 中 場 角 色 表 現 極 佳 ， 更 當 選 成 為 最 有 價 值 球 員 。 不 過 ， 講 到 全 能 中 場 球 員 ， 大 家 都 會 諗 起 今 個 禮 拜 英 格 蘭 足 總 盃 ， 迎 戰 盧 頓 時 射 入 三 球 、 職 業 生 涯 第 二 次 大 演 「 帽 子 戲 法 」 利 物 浦 隊 長 謝 拉 特 ！ 然 而 ， 葉 頌 朗 亦 曾 經 試 過 一 場 學 界 賽 事 中 ， 連 入 六 球 大 演 「 雙 帽 子 戲 法 」 ， 所 以 此 子 一 直 被 外 間 喻 為 「 學 界 謝 拉 特 」 ！

經 過 ○ 七 年 精 英 賽 決 賽 一 役 ， 阿 朗 已 成 為 本 港 學 界 最 頂 尖 球 員 ， 達 至 高 峰 佢 要 再 創 高 峰 ， 就 要 向 世 界 出 發 ： 「 最 初 球 會 同 我 商 量 遠 赴 意 大 利 受 訓 時 ， 我 考 慮 好 耐 ， 不 過 最 終 我 都 想 試 面 對 新 挑 戰 ， 一 開 眼 界 ！ 去 到 阿 特 蘭 大 ， 試 過 意 甲 球 會 訓 練 ， 先 知 道 自 己 起 動 速 度 唔 夠 當 地 選 手 咁 快 等 弱 點 ， 力 去 改 善 。 」 阿 朗 笑 言 當 地 即 使 係 青 年 球 員 ， 個 個 身 形 都 好 似 迪 天 奴 咁 大 隻 ， 所 以 佢 生 存 之 道 就 要 盡 量 發 揮 自 己 球 場 上 閱 讀 球 賽 能 力 。

羅 馬 出 手 向 傑 志 挖 角
接 受 近 兩 個 月 訓 練 ， 葉 頌 朗 終 學 成 歸 來 兼 重 新 開 展 其 學 業 ， 但 其 球 會 傑 志 卻 收 到 自 意 甲 勁 旅 羅 馬 斟 介 ， 希 望 招 攬 阿 朗 成 為 青 年 軍 ， 為 期 一 年 。 球 會 透 露 依 家 傾 緊 細 節 上 問 題 ， 佢 絕 對 有 機 會 成 為 「 羅 馬 王 子 」 托 迪 、 迪 羅 斯 、 阿 古 蘭 尼 等 意 大 利 國 腳 「 哎 師 弟 」 ！

圖 ／ 文 ： 司 徒 子 文