鄭 秀 文 （ Sammi ） 屢 傳 被 惡 疾 纏 身 ， 而 傳 聞 愈 來 愈 誇 張 ， 昨 日 傍 晚 時 分 ， 更 傳 出 Sammi 的 死 訊 ， 令 人 震 驚 ， 其 經 理 人 郭 啟 華 及 Sammi 剛 加 盟 的 東 亞 唱 片 老 闆 林 建 岳 ， 已 第 一 時 間 挺 身 為 Sammi 澄 清 ， 指 死 訊 純 屬 流 料 。 郭 啟 華 強 調 Sammi 好 快 會 現 身 投 入 工 作 ， 林 建 岳 更 拍 埋 心 口 保 證 她 無 事 ， 原 來 又 是 虛 驚 一 場 。

七 月 中 見 人
近 數 月 Sammi 曾 傳 出 患 上 淋 巴 癌 、 抑 鬱 症 、 精 神 有 異 等 ， 連 手 提 電 話 號 碼 都 更 改 ， 堅 拒 和 外 界 接 觸 ， 雖 然 郭 啟 華 已 不 厭 其 煩 的 作 出 否 認 ， 但 昨 日 傍 晚 竟 傳 出 Sammi 病 情 有 變 ， 甚 至 病 逝 的 噩 耗 。 林 建 岳 昨 日 接 受 電 話 訪 問 ， 否 認 Sammi 的 死 訊 ， 他 說 ： 「 尋 日 （ 即 前 日 ） 我 先 通 過 電 話 ， 七 月 中 Sammi 就 會 出 席 記 者 會 ， 我 保 證 佢 無 事 ， 聽 佢 把 聲 亦 好 精 神 。 」 而 郭 啟 華 就 連 聲 否 認 Sammi 病 逝 的 消 息 ， 他 說 ： 「 冇 死 、 冇 死 。 （ Sammi 有 冇 入 院 呀 ？ ） 冇 。 （ Sammi 會 唔 會 出 澄 清 呀 ？ ） 唔 會 ， 我 Ｅ Ｑ 好 高 ， 唔 會 受 呢 消 息 影 響 。 （ 又 有 報 道 指 Sammi 頸 部 出 現 腫 脹 ， 令 人 聯 想 到 她 患 淋 巴 癌 的 傳 聞 ？ ） 總 之 Sammi 好 快 會 出 見 大 家 。 」

據 知 Sammi 將 會 休 息 到 七 月 左 右 ， 因 為 七 月 份 她 要 為 電 影 《 長 恨 歌 》 錄 主 題 曲 ， 這 亦 是 她 加 盟 東 亞 唱 片 的 頭 炮 工 作 ， 同 時 她 又 要 做 配 音 及 後 期 工 作 ， 九 月 份 又 要 為 寰 亞 新 片 開 會 ， 有 關 詳 情 稍 後 自 有 公 布 。