一 年 一 度 的 「 十 • 一 」 黃 金 周 又 過 去 ， 內 地 主 要 城 市 的 零 售 市 道 暢 旺 非 常 ， 至 於 香 港 方 面 ， 仍 然 以 內 地 遊 客 為 主 導 ， 雖 然 出 手 似 乎 冇 以 前 咁 闊 綽 ， 但 勝 在 人 數 多 ， 兼 且 長 做 長 有 。 本 周 港 股 長 假 過 後 復 市 ， 埋 單 計 指 一 周 有 逾 百 點 漲 幅 ， 交 投 活 躍 。 之 不 過 ， 唔 少 窩 輪 成 交 仲 大 過 二 、 三 線 股 ， 造 成 咁 現 象 ， 皆 因 二 、 三 線 股 受 制 於 嚴 苛 監 管 環 境 ， 始 終 未 能 成 氣 候 ， 小 本 經 營 散 戶 ， 惟 有 選 擇 去 炒 更 高 風 險 窩 輪 ， 可 惜 監 管 機 構 唔 覺 得 咁 係 有 問 題 ， 小 股 民 惟 有 自 求 多 福 。

我 「 蛇 」 老 闆 放 個 長 假 期 後 返 ， 諗 住 撞 正 「 十 • 一 」 黃 金 周 出 街 實 會 好 迫 ， 點 知 出 到 銅 鑼 灣 食 飯 ， 又 唔 係 想 像 中 咁 多 人 。

聽 講 話 好 多 人 都 趁 機 外 遊 或 北 上 ， 但 唔 知 係 唔 係 個 人 遊 效 應 有 所 回 落 ， 感 覺 上 內 地 遊 客 人 數 並 不 及 「 五 • 一 」 時 咁 多 ， 而 且 有 售 貨 員 話 ， 內 地 客 出 手 冇 以 前 咁 闊 佬 。 以 前 時 有 聽 到 有 內 地 「 大 款 」 購 物 時 一 擲 千 金 ， 花 十 幾 廿 萬 購 買 名 表 及 珠 寶 首 飾 等 面 不 改 容 ， 現 時 每 張 單 平 均 金 額 明 顯 細 喎 。

內 地 客 錢 唔 再 容 易 賺
另 外 ， 以 前 有 內 地 闊 太 購 買 三 兩 萬 銀 化 妝 品 亦 係 等 閒 事 ， 現 時 一 單 買 到 六 、 七 千 蚊 已 經 係 大 生 意 。 其 實 呢 都 係 意 料 中 事 啦 ， 內 地 遊 客 頭 一 次 香 港 ， 好 多 都 會 狂 掃 貨 ， 不 過 新 鮮 感 減 退 之 後 ， 就 算 再 番 兜 香 港 ， 自 然 都 會 使 少 錢 ， 甚 至 有 內 地 客 已 經 好 醒 目 ， 自 己 識 得 搵 平 買 ， 周 圍 格 下 價 咁 ， 香 港 人 想 繼 續 賺 內 地 遊 客 錢 ， 就 要 多 動 腦 筋 ， 想 多 主 意 先 可 以 突 圍 而 出 。

今 年 已 經 過 九 個 月 ， 根 據 政 府 同 一 銀 行 及 金 融 機 構 預 測 ， 大 致 都 認 為 今 年 經 濟 增 長 可 達 到 6.5% 至 7.5% ， 但 實 則 最 受 惠 都 係 大 企 業 ， 若 果 各 位 看 官 有 留 意 開 財 經 新 聞 的 話 ， 就 應 該 知 道 好 多 大 型 上 市 公 司 ， 今 年 業 績 都 有 幾 十 個 巴 仙 增 長 ， 試 問 普 通 打 工 仔 ， 一 年 會 唔 會 加 幾 十 個 巴 仙 人 工 ？ 好 明 顯 普 羅 大 眾 收 入 增 長 並 不 能 追 及 大 企 業 收 入 ， 就 算 係 「 蛇 」 老 闆 我 等 小 型 上 市 公 司 亦 未 有 分 享 到 經 濟 增 長 成 果 ， 生 意 冇 錯 係 多 ， 但 成 本 就 重 好 多 ， 例 如 生 產 用 物 料 同 設 備 、 人 工 同 租 金 等 ， 最 大 鑊 就 係 開 始 踏 入 加 息 周 期 ， 利 率 上 升 令 公 司 借 貸 需 要 畀 多 利 息 ， 而 產 品 價 格 又 唔 敢 加 或 者 唔 敢 加 咁 多 ， 驚 住 客 下 次 唔 再 返 轉 頭 ， 惟 有 希 望 密 食 當 三 番 ， 接 多 單 番 以 量 取 勝 。

老 闆 尋 求 融 資 甚 艱 難
但 好 多 上 市 公 司 老 闆 都 知 ， 前 兩 年 經 濟 環 境 唔 好 陣 ， 好 多 生 產 規 模 已 經 收 縮 晒 ， 例 如 生 產 廠 房 到 期 後 唔 再 續 租 、 機 器 壞 冇 換 ， 同 埋 炒 部 分 冇 工 開 工 人 ， 依 家 接 番 多 單 ， 但 又 苦 無 足 夠 資 金 擴 充 ， 如 果 問 銀 行 借 話 ， 條 件 都 幾 「 辣 」 ， 借 一 千 萬 ， 就 要 三 百 萬 定 期 存 銀 行 度 墊 底 ， 借 款 年 期 又 短 ， 資 金 回 籠 速 度 慢 都 會 逼 到 透 唔 到 氣 ， 所 以 股 票 市 場 度 集 資 ， 就 係 另 一 個 較 佳 選 擇 。 呢 個 亦 都 係 公 司 上 市 最 大 功 能 ， 但 係 我 呢 小 型 上 市 公 司 要 市 場 集 資 ， 向 有 關 機 構 申 請 時 往 往 要 過 關 斬 將 ， 除 審 批 需 時 之 外 ， 仲 要 花 錢 請 財 務 顧 問 同 包 銷 商 ， 俗 講 句 ， 未 見 官 已 經 要 先 打 三 十 大 板 ， 如 果 有 關 機 構 認 為 資 金 用 途 有 問 題 而 批 話 ， 咁 就 真 係 賠 了 夫 人 又 折 兵 ， 相 信 唔 少 上 市 公 司 老 闆 都 會 有 同 感 。

二 三 線 配 股 審 批 嚴 格
如 果 有 上 市 公 司 老 闆 都 同 「 蛇 」 老 闆 我 一 樣 覺 得 好 似 困 住 一 個 死 胡 同 話 ， 不 妨 寫 封 信 研 究 下 ， 除 可 以 諗 下 點 樣 開 拓 新 商 機 之 外 ， 大 家 亦 可 以 互 吐 苦 水 ， 尋 求 一 精 神 支 持 。

普 羅 大 眾 主 要 收 入 ， 除 人 工 之 外 ， 好 多 都 會 做 下 投 資 咁 ， 以 前 市 旺 陣 ， 大 型 上 市 公 司 如 藍 籌 、 紅 籌 及 國 企 配 股 話 ， 例 必 有 大 量 投 資 者 搶 住 要 貨 ， 因 為 公 司 復 牌 後 必 定 有 得 執 ， 爭 在 多 定 少 ； 而 二 、 三 線 上 市 公 司 配 股 ， 亦 有 不 少 捧 場 客 ， 因 為 小 型 上 市 公 司 通 常 較 專 注 做 單 一 瓣 生 意 ， 增 長 潛 力 較 佳 ， 股 價 上 回 報 可 以 非 常 豐 厚 。

但 今 年 以 來 ， 二 、 三 線 以 至 三 、 四 線 上 市 公 司 成 功 市 場 集 資 金 額 ， 已 經 一 年 較 一 年 少 ， 唔 知 係 上 市 公 司 對 資 金 需 求 愈 愈 少 ， 定 係 監 管 機 構 對 審 批 要 求 愈 愈 嚴 格 ， 往 日 百 花 齊 放 時 光 已 經 不 復 見 。

玩 窩 輪 隨 時 一 舖 清 袋
投 資 者 選 擇 明 顯 減 少 ， 唔 怪 得 有 好 多 要 求 有 高 回 報 投 資 者 都 走 去 玩 「 輪 」 ， 一 如 有 關 機 構 所 願 ， 推 高 衍 生 工 具 投 資 金 額 。 衍 生 工 具 本 來 係 一 種 用 作 為 風 險 對 沖 工 具 ， 但 係 衍 生 工 具 市 場 偏 偏 就 變 成 一 個 大 賭 場 ， 因 為 除 槓 桿 大 之 外 ， 每 日 波 幅 亦 都 可 以 好 厲 害 ， 一 日 上 落 三 至 五 成 並 唔 罕 見 ， 加 上 做 莊 發 行 商 出 價 並 唔 追 貼 正 股 升 幅 ， 但 跌 就 跌 得 快 ， 散 戶 好 多 時 買 邊 就 贏 得 少 ， 錯 邊 就 輸 到 杰 ， 正 式 「 贏 粒 糖 ， 輸 間 廠 」 ， 但 就 唔 見 監 管 機 構 出 聲 或 者 嚴 格 監 管 發 行 商 ， 面 對 呢 不 公 平 待 遇 ， 小 投 資 者 真 係 要 自 求 多 福 至 得 咯 ！

「 蛇 」 老 闆 就 聽 聞 遠 在 美 國 衍 生 工 具 市 場 成 交 就 冇 香 港 咁 活 躍 ， 因 此 聽 講 話 美 國 市 場 有 的 莊 家 會 使 橫 手 ， 搵 人 兩 邊 買 ， 做 到 成 交 好 活 躍 咁 ， 多 人 參 與 ， 但 美 國 監 管 制 度 就 嚴 格 好 多 ， 唔 係 咁 容 易 可 以 過 到 骨 。 「 內 幕 交 易 」 或 者 「 操 控 市 場 價 格 」 時 有 被 捉 到 ； 香 港 衍 生 工 具 市 場 明 知 道 屬 於 高 風 險 都 仲 有 咁 多 人 玩 ， 唔 知 道 係 香 港 市 場 發 展 得 特 別 好 ， 抑 或 係 中 國 人 賭 性 特 別 重 ， 視 高 風 險 投 資 為 一 種 賭 博 工 具 ， 希 望 以 小 博 大 ， 一 朝 發 達 ， 「 蛇 」 老 闆 惟 有 祝 大 家 好 運 ！

新 股 表 現 係 要 睇 長 線
講 開 個 市 ， 第 四 季 有 唔 少 新 股 上 市 ， 今 個 月 就 有 中 國 電 力 國 際 （ 2380 ） 同 和 記 電 訊 （ 2332 ） ， 呢 兩 隻 新 股 招 股 反 應 形 成 好 大 對 比 ， 已 成 為 行 中 熱 門 話 題 。 不 過 ， 新 股 招 股 反 應 熱 烈 與 否 ， 唔 一 定 等 於 日 後 一 定 冇 運 行 ， 好 似 今 年 上 市 兩 隻 新 股 ─ 中 海 集 運 （ 2866 ） 同 中 國 東 方 集 團 （ 0581 ） ， 前 者 掛 牌 首 日 即 告 大 潛 水 ， 但 三 個 多 月 後 今 日 ， 股 價 已 經 重 上 招 股 價 之 上 有 餘 ； 至 於 後 者 ， 首 季 招 股 時 ， 公 開 發 售 部 分 獲 逾 700 倍 超 額 認 購 ， 凍 結 資 金 高 達 1,383 億 元 ， 並 以 上 限 價 2.75 元 定 價 ， 都 算 巴 閉 ， 但 結 果 3 月 初 首 日 掛 牌 後 ， 兩 個 月 內 見 低 位 1.07 元 ， 至 今 仍 未 重 見 招 股 價 。 本 老 闆 咁 講 ， 無 意 話 邊 隻 新 股 得 ， 邊 隻 唔 得 ， 只 係 覺 得 ， 世 事 無 絕 對 ， 所 以 下 個 星 期 都 係 翹 埋 雙 手 ， 等 睇 戲 ！