果 然 是 「 薑 係 老 辣 」 ！ 六 十 七 歲 的 潘 炳 烈 ， 昨 日 以 事 實 證 明 ， 佢 手 車 依 然 咁 「 辣 」 。 這 位 六 四 年 澳 門 格 蘭 披 治 大 賽 冠 軍 車 手 ， 幾 十 年 後 再 現 雄 風 ， 在 昨 日 澳 門 迷 你 車 迷 會 杯 以 壓 倒 性 優 勢 奪 取 冠 軍 ， 快 亞 軍 車 手 馮 國 成 超 過 二 十 秒 衝 線 ， 「 無 驚 無 險 ， 又 過 終 點 」 ， 同 場 角 逐 的 車 壇 後 輩 ， 只 有 食 塵 的 份 兒 。

在 排 位 賽 造 出 三 分 ○ 八 秒 一 六 一 最 佳 時 間 的 潘 炳 烈 ， 昨 日 因 天 雨 路 滑 ， 加 上 未 受 太 大 威 脅 ， 雖 然 只 造 出 三 分 三 十 五 秒 一 七 五 的 圈 速 ， 但 已 經 夠 贏 ； 而 賽 事 受 天 雨 及 壞 車 影 響 ， 須 延 遲 近 一 句 鐘 開 賽 ， 並 由 原 定 鬥 十 圈 縮 減 至 八 圈 。

香 檳 唔 噴 寧 願 自 己 飲
以 總 時 間 三 十 二 分 十 四 秒 八 九 九 完 成 賽 事 、 比 亞 軍 馮 國 成 的 三 十 二 分 三 十 五 秒 三 九 九 、 快 了 二 十 秒 有 多 的 潘 炳 烈 賽 後 笑 說 ： 「 都 冇 車 手 上 逼 我 ， 我 咪 慢 慢 囉 ， 哈 哈 ！ 」

在 頒 獎 禮 上 ， 亞 軍 和 季 軍 車 手 本 須 依 傳 統 ， 開 香 檳 狂 噴 一 輪 慶 祝 ， 豈 料 兩 人 見 潘 炳 烈 未 有 動 靜 ， 季 軍 車 手 張 國 良 便 說 ： 「 我 開 唔 開 ？ 」 潘 炳 烈 的 答 案 竟 是 ： 「 開 ？ 留 番 自 己 飲 啦 ！ 」 弄 得 全 場 大 笑 。 兩 位 原 本 預 備 遭 車 手 們 狂 噴 的 賽 車 女 郎 ， 對 「 逃 過 一 劫 」 報 以 微 笑 。

「 老 薑 」 潘 炳 烈 （ 左 ） 幾 十 年 後 再 度 稱 霸 濠 江 ， 絕 對 係 一 項 紀 錄 。