講 到 打 邊 爐 ， 今 個 冬 天 絕 對 是 豬 骨 煲 的 天 下 。 豬 骨 煲 勝 在 啜 完 豬 骨 飲 完 湯 後 ， 又 可 以 再 用 那 煲 又 香 又 濃 的 骨 湯 烚 烚 。 咁 受 歡 迎 ， 賣 豬 骨 煲 的 食 店 自 不 然 開 到 成 行 成 市 。 今 次 就 將 其 中 三 大 人 氣 豬 骨 煲 的 食 店 作 一 比 併 ， 搵 出 最 你 食 豬 骨 煲 。 撰 文 ： 林 謙 攝 影 ： 堅 、 Rex 模 特 兒 ： Kimmy

豬 骨 湯 底 最 見 功 夫
「 良 記 豬 骨 煲 」 幾 年 前 已 經 在 大 角 咀 經 營 豬 骨 煲 ， 到 現 在 開 到 前 後 五 間 ， 但 仲 係 大 排 長 龍 ， 足 見 實 力 。 到 良 記 食 豬 骨 煲 最 緊 要 飲 「 頭 啖 湯 」 ， 豬 骨 煲 一 上 ， 就 先 喝 一 大 碗 湯 ， 之 後 吃 一 半 豬 骨 ， 騰 出 的 空 間 就 再 加 湯 用 來 打 邊 爐 。 良 記 用 了 60 斤 豬 骨 熬 成 40 斤 的 湯 底 ， 勁 落 胡 椒 同 香 料 ， 湯 味 香 濃 ， 不 可 錯 過 。

豬 骨 ： ★ ★ ★
（ 5 粒 ★ 為 最 高 分 ）

骨 煲 內 的 骨 以 豬 腳 骨 為 主 ， 還 將 較 老 的 皮 去 掉 ， 帶 筋 的 豬 骨 最 好 ， 但 愛 吃 肉 的 人 可 能 覺 得 不 夠 喉 。

配 料 ： ★ ★ ★
墨 魚 刺 身 / 凍 蟹

除 一 般 火 鍋 配 料 之 外 ， 還 有 不 少 游 水 海 鮮 ， 選 一 條 魚 起 肉 不 過 一 百 元 左 右 ， 最 熱 賣 的 還 有 墨 魚 刺 身 （ $80 ） ， 原 隻 墨 魚 切 薄 片 ， 又 爽 口 又 彈 牙 。 還 有 大 大 隻 凍 蟹 （ $150 ） ， 肉 質 夠 實 ， 味 道 鮮 甜 。

鮮 嫩 肥 牛
打 邊 爐 最 受 歡 迎 的 手 切 本 地 肥 牛 ， 又 新 鮮 又 夠 嫩 ， 分 量 亦 很 足 夠 ， 絕 對 抵 食 。 （ $55/ 小 ， $80/ 大 ）

價 錢 ： ★ ★ ★ ★
用 鑊 上 的 豬 骨 煲 即 使 係 細 煲 ， 亦 有 十 幾 舊 豬 骨 ， 馬 蹄 、 蘿 蔔 、 粟 米 等 配 料 齊 備 ， 抵 食 ！ $90/ 小 $120/ 大

查 詢 電 話 ： 2391-0800

營 業 時 間 ： 6:00pm~8:00am

配 料 最 多 款 式 新 奇
打 正 澳 門 招 牌 的 「 澳 皇 子 餐 廳 」 在 九 龍 城 獨 領 風 騷 ， 它 的 豬 骨 煲 用 砂 煲 上 ， 大 大 煲 ， 骨 多 多 ， 但 最 特 別 之 處 還 在 於 它 的 配 料 特 別 多 ， 而 且 很 多 都 是 只 此 一 家 有 得 食 ， 愛 好 新 奇 和 新 口 味 的 人 不 容 錯 過 。

豬 骨 ： ★ ★ ★
每 煲 最 少 有 十 二 舊 大 大 舊 的 豬 骨 ， 連 骨 帶 肉 ， 十 分 好 。

湯 底 ： ★ ★ ★
用 筒 骨 和 豬 手 骨 熬 製 ， 獨 門 秘 方 是 三 滾 三 焗 ， 即 是 煲 湯 時 待 水 滾 後 熄 火 ， 焗 一 輪 開 火 再 煮 ， 好 處 是 湯 骨 不 會 煲 到 溶 溶 爛 爛 。

配 料 ： ★ ★ ★ ★ ★
法 國 鵝 肝
差 不 多 成 吋 厚 的 法 國 鵝 肝 （ $35/ 件 ） ， 用 白 酒 浸 過 後 帶 有 果 香 ， 吃 起 上 來 也 冇 咁 「 漏 」 。 成 件 鵝 肝 浸 入 豬 骨 湯 內 ， 烚 到 九 成 熟 ， 入 口 又 滑 又 香 ， 果 然 不 同 凡 響 。

重 慶 肉
金 華 火 腿 拼 沙 啦 粉
右 邊 一 碟 是 重 慶 肉 （ $38 ） ， 另 一 碟 則 是 金 華 火 腿 拼 沙 啦 粉 （ $28 ） ， 兩 者 都 是 帶 鹹 香 ， 拖 拖 水 就 食 得 。

中 山 乾 鴨 腸 / 台 灣 牛 心 管
話 明 是 澳 門 豬 骨 煲 ， 數 有 澳 門 色 彩 ， 當 然 要 試 試 中 山 乾 鴨 腸 （ $38 ， 左 ） ， 鴨 腸 淥 完 後 變 得 爽 口 ； 另 一 碟 是 來 自 台 灣 的 牛 心 管 （ $38 ， 右 ） ， 睇 落 好 似 好 硬 ， 但 淥 完 後 變 得 很 爽 ， 咬 落 去 十 分 有 口 感 。

鴛 鴦 野 牛 爽
肥 牛 食 得 多 ， 不 如 試 試 鴛 鴦 野 牛 爽 （ $88 ） ， 用 通 山 跑 的 野 水 牛 肉 ， 一 半 用 花 雕 酒 浸 ， 一 半 用 黑 椒 醃 ， 滋 味 各 有 不 同 ， 不 過 喜 愛 喝 豬 骨 湯 的 人 就 最 宜 在 喝 夠 湯 才 淥 ， 以 免 令 豬 骨 湯 不 夠 原 味 。

價 錢 ： ★ ★ ★ ★
原 個 砂 煲 上 的 豬 骨 煲 ， 粟 米 蘿 蔔 等 配 料 足 分 量 ， 細 食 兩 個 人 都 夠 。 $68

查 詢 電 話 ： 2383-9785

營 業 時 間 ： 6:00am~2:00am

豬 骨 種 類 最 多 最 正
短 短 半 年 間 在 大 角 咀 連 開 四 間 舖 的 「 骨 煲 皇 」 ， 日 日 爆 滿 ， 皆 因 豬 骨 煲 款 式 夠 多 夠 新 ， 而 且 豬 骨 種 類 又 多 ， 加 上 地 方 坐 得 比 較 舒 服 ， 很 受 區 外 人 歡 迎 。

豬 骨 ： ★ ★ ★ ★ ★
絕 對 不 是 煲 湯 骨 ， 不 同 骨 所 熬 的 時 間 亦 不 同 ， 不 會 有 煲 得 太 爛 或 者 唔 夠 腍 的 情 況 出 現 ， 每 種 骨 滋 味 都 不 同 。

豬 手 骨
即 是 豬 手 的 手 腕 到 蹄 的 那 一 節 ， 去 皮 飛 水 後 煲 一 小 時 就 夠 ， 連 筋 帶 少 少 肉 ， 最 好 。

筒 骨
筒 骨 要 煲 至 少 兩 個 鐘 ， 食 時 先 啜 去 骨 內 的 湯 及 部 分 骨 髓 ， 再 用 筷 子 出 力 「 篤 」 骨 中 間 部 分 ， 「 篤 」 穿 後 就 可 以 連 最 入 的 骨 髓 都 食 埋 。 不 過 記 住 筒 骨 要 先 「 攤 」 幾 分 鐘 先 好 啜 ， 否 則 分 分 鐘 淥 親 個 嘴 。

豬 脆 骨
雖 說 是 脆 骨 但 絕 對 可 以 「 冇 骨 落 地 」 ， 因 為 面 的 脆 骨 又 脆 又 嫩 ， 真 係 可 以 晒 落 肚 。 兼 且 啖 啖 肉 ， 確 係 必 食 之 選 。

西 施 骨
豬 背 骨 ， 好 處 在 於 肉 比 較 瘦 ， 但 無 可 避 免 亦 較 「 鞋 」 。

湯 底 ： ★ ★ ★ ★
用 西 施 骨 、 筒 骨 和 豬 手 骨 熬 六 小 時 以 上 。 由 於 所 有 骨 在 煲 之 前 都 要 去 皮 飛 水 ， 所 以 湯 底 的 確 較 清 而 不 肥 膩 。

配 料 ：
鮮 牛 滑 / 鯪 魚 滑
一 般 火 鍋 配 料 齊 備 ， 價 錢 約 為 $15 到 $20 ， 但 至 緊 要 叫 的 就 是 鮮 牛 滑 和 鯪 魚 滑 （ 各 $20 ） ， 因 為 是 手 打 的 ， 將 新 鮮 牛 肉 、 鯪 魚 打 爛 後 ， 只 用 少 少 鹽 作 調 味 ， 牛 肉 內 並 加 了 些 馬 蹄 。 牛 滑 和 魚 滑 都 盛 在 竹 筒 內 ， 吃 時 喜 歡 大 舊 或 細 舊 ， 悉 隨 尊 便 。

價 錢 ： ★ ★ ★
骨 煲 有 幾 種 款 可 揀 ， 其 中 的 骨 煲 之 皇 （ $180 ） ， 大 大 煲 ， 有 齊 四 種 骨 和 各 種 配 料 ， 值 得 推 介 。

查 詢 電 話 ： 2380-4441

營 業 時 間 ： 6:00pm~5:00am