四 大 聯 賽 重 開 後 出 現 咁 多 爆 冷 戰 果 ， 呢 股 冷 風 隨 時 蔓 延 到 今 日 重 開 歐 冠 杯 首 階 段 分 組 賽 第 四 輪 賽 事 。 阿 仙 奴 上 周 六 被 愛 華 頓 終 結 三 十 場 不 敗 紀 錄 ， 已 經 向 擁 躉 發 出 警 號 ， 講 明 呢 個 世 界 並 冇 長 勝 之 師 ， 今 日 主 場 鬥 歐 塞 爾 讓 到 球 半 實 在 太 過 分 ， 淨 係 個 「 當 黑 門 神 」 施 文 都 有 排 你 驚 。 歐 塞 爾 勝 在 韌 力 夠 ， 就 算 輸 波 頂 盡 都 係 一 球 上 落 ， 一 於 博 阿 仙 奴 贏 波 輸 盤 。 （ 有 線 ESPN07 周 三 凌 晨 2 時 45 分 直 播 ）

歐 塞 爾 目 前 A 組 雖 然 只 得 一 分 ， 出 線 機 會 渺 茫 ， 但 唔 係 冇 好 爭 ， 佢 仲 有 機 會 爭 第 三 轉 打 足 聯 杯 ， 所 以 今 場 絕 對 唔 會 放 軟 手 腳 ， 何 況 佢 上 次 主 場 對 阿 仙 奴 表 現 都 唔 差 ， 雖 然 最 終 輸 ○ 比 一 ， 但 實 力 唔 係 話 距 離 咁 大 。

主 隊 阿 仙 奴 上 周 六 聯 賽 對 愛 華 頓 ， 唔 係 冇 贏 波 機 會 ， 但 睇 得 出 班 球 員 失 去 季 初 鬥 志 ， 仲 存 有 輕 敵 之 心 ， 經 常 賣 弄 腳 法 ， 結 果 搞 出 個 「 大 頭 佛 」 ， 「 驕 兵 必 敗 」 呢 個 永 定 律 係 ， 今 場 讓 到 球 半 ， 上 盤 更 加 係 危 危 乎 。 而 且 老 牌 門 將 施 文 近 期 當 黑 ， 國 際 賽 被 笠 死 ， 對 愛 華 頓 又 俾 個 十 六 歲 「 靚 仔 」 朗 尼 射 瓜 ， 令 人 對 佢 信 心 全 失 ， 成 為 防 線 上 一 個 計 時 炸 彈 。

皮 利 斯 有 望 復 出
雖 然 養 傷 多 時 阿 仙 奴 中 場 皮 利 斯 今 仗 有 機 會 復 出 ， 但 休 息 太 耐 ， 狀 態 好 成 疑 問 。

阿 仙 奴 領 隊 雲 格 以 眼 光 獨 到 見 稱 ， 佢 成 日 去 法 國 入 貨 ， 執 到 唔 少 好 ， 證 明 法 甲 臥 虎 藏 龍 。 歐 塞 爾 呢 隊 波 唔 簡 單 ， 佢 陣 中 有 唔 少 猛 將 ， 年 僅 二 十 歲 麥 薩 斯 係 法 國 新 紮 國 腳 ， 有 「 新 白 蘭 斯 」 之 稱 ， 佢 對 師 兄 亨 利 同 韋 托 特 波 路 唔 會 陌 生 ， 今 場 係 佢 揚 名 立 萬 好 時 機 。

歐 塞 爾 進 攻 能 力 亦 唔 錯 ， 雖 然 法 國 國 腳 D 施 斯 今 仗 因 傷 缺 陣 ， 但 射 手 馬 華 路 禾 尼 今 季 已 入 八 球 ， 狀 態 大 勇 ， 加 埋 世 界 杯 打 出 名 堂 塞 內 加 爾 國 腳 法 迪 加 ， 呢 對 組 合 令 人 期 待 ， 法 迪 加 上 周 六 法 國 聯 賽 對 里 昂 一 戰 停 賽 ， 今 場 可 以 養 精 蓄 銳 出 打 老 虎 ！

撰 文 ： 樂 比 堅 尼