羅文千叮萬囑送殯唔俾波鞋牛仔褲

一代巨星羅文的喪禮已訂於二十八日在香港殯儀館設靈，二十九日出殯，採用佛儀式，不會有擔幡買水，由於羅文深受各界人士敬愛，故會讓市民和傳媒鞠躬致祭，遺體隨即依羅文生前遺願，運往火化。原來，性格樂觀的羅文，在未罹患癌症之前，曾戲言若有一日死去，他一定要火葬，骨灰均勻撒在生前喜歡去的地方，若朋友不依從照辦，羅文說：「我變鬼都晚晚返搞你！」

羅文雖然離開了我們，但音容宛在，昨日商台在節目中重播二 ○ ○ ○ 年五月時羅記的訪問，當時身壯力健的羅記，和主持查小欣談笑風生，還百無禁忌地想像身後事的安排，他哈哈笑說：「講個笑話你聽，一定好笑，有次同班朋友跳舞，我講：『記住呀，我第日瓜，梗有回光返照好精神時候，晚叫晒朋友去跳舞，同佢講，我聽日幾點瓜，想要遺產就快同我送終，我會床，將保險箱珠寶派晒去，開心，好，我瓜！』」

「我一定要火葬」
而貪靚的羅記，更千叮萬囑去靈堂致祭他的朋友一定要扮靚靚出席，他說：「一定要靚衫，唔俾波鞋牛仔褲揹背囊，唔俾喊，就算到七彩都唔緊要，放 Rave 音樂，大家 Happy 送終；我一定要火葬，千祈唔好埋我入地下，最怕黑暗最怕蟲蛀我。（唔怕火呀？）燒我乾手淨腳，將我灰撒勻我鍾意地方，邊間戲院邊間舖頭，每樣一，俾我有地方玩，但唔好撒海角，鬼度飄，俾都唔制，如果我瓜，我朋友、死黨唔係咁做，變鬼一定晚晚返搞你，埋我落地唔火葬我，你有排死，返搵你。」說完即騎騎笑，想不到兩年多後的今日，羅記竟一語成讖。

醫生擔心阿東
此外，英皇老闆楊受成昨日在電台節目中說：「當時阿東喊得好犀利，佢好亂，醫生都好擔心，唔係擔心羅文，而係擔心阿東，仲叫齊人睇實阿東，如果羅文有事最怕阿東支持唔到，因為羅文已經係定案。」據知在羅記的喪禮上會有三個人分別負責做司儀，講述羅記的生平和致詞，但不會由阿東擔任，因為怕他情緒太激動。

至於解穢酒方面，原定在英皇中菜廳舉行，但由於當日已有人訂了擺喜酒，所以不便進行白事，要待今日再開會商議。而在明年二月七日的英皇三周年音樂會上，眾歌手將一同向羅文致敬。

昨日連綿細雨，羅記的助手阿東、好友張徹太太及羅記的泰籍朋友 Week 整個下午都沒有出外，留在羅記跑馬地寓所為他執拾，並將屋內鍾馗的畫像收起，據知是為了方便羅記的魂魄返家。而羅記的菲律賓籍司機亦已於昨日離職，他走時帶了一袋行李和高爾夫球棒，表現神傷和不捨。張太則向窗戶雙手合十和上香拜祭，然後獨自駕車離開。

相關新聞：
容祖兒慨嘆無緣分　未能送師傅最後一程
梅艷芳接羅文棒　培育新人延續光芒
請瀏覽 orisun.com 《東方日報電子報》。