中 年 男 人 ， 成 家 立 室 ， 有 份 正 職 ， 在 很 多 人 心 目 中 是 必 然 的 事 。 不 過 ， 在 威 利 玩 的 格 言 中 ， 以 上 假 設 絕 不 存 在 。 人 到 中 年 光 棍 一 條 仍 可 以 自 由 自 在 ， 不 受 管 束 ， 為 所 欲 為 ， 這 才 是 威 利 享 受 的 生 活 。 手 執 咪 高 峰 ， 再 次 踏 上 台 板 高 歌 ； 每 天 跟 不 同 的 人 作 樂 ， 這 樣 方 為 真 正 的 生 活 。 不 論 你 是 否 同 意 這 種 生 活 方 式 ？ 但 至 少 面 前 這 個 大 男 人 威 利 ， 由 始 至 終 都 抱 這 個 想 法 做 人 。 撰 文 ： 林 健 森 攝 影 ： 方 偉 堅

不 滿 與 開 心
娛 樂 圈 這 個 遊 樂 場 ， 帶 給 人 無 數 歡 樂 ， 威 利 在 其 中 打 滾 了 十 六 年 ， 沒 作 過 震 撼 性 的 舉 動 ， 歌 是 唱 過 ， 憨 直 角 色 更 差 點 把 他 定 型 ， 可 惜 安 穩 有 餘 刺 激 欠 奉 ， 96 年 遂 離 開 這 個 大 染 缸 轉 往 內 地 從 商 ， 威 利 強 調 是 失 望 的 離 開 。

「 我 以 前 都 出 過 好 多 隻 唱 片 ， 中 、 英 文 都 有 。 講 番 我 一 輩 ， 唱 歌 錄 音 一 Take 過 ， 邊 好 似 而 家 人 咁 ， 逐 句 錄 ， 又 搵 部 混 音 機 執 ， 有 歌 手 唱 歌 走 音 仲 搵 盡 藉 口 ， 又 話 狀 態 唔 好 ， 咁 咪 唔 好 唱 囉 ！ 又 冇 人 迫 你 。 好 似 我 咁 ， 劇 集 角 色 ， 差 唔 多 千 篇 一 律 都 係 憨 直 男 人 ， 做 得 多 差 搞 唔 清 楚 自 己 係 邊 個 ， 咁 做 到 冇 癮 咪 唔 做 囉 ！ 出 面 世 界 咪 仲 好 玩 。 」

帶 失 望 離 開 ， 在 國 內 做 生 意 已 近 十 年 ， 威 利 坦 言 覺 得 自 由 自 在 ， 沒 有 以 前 那 種 束 縛 。 今 日 ， 他 為 好 友 李 龍 基 的 演 唱 會 再 次 披 甲 上 陣 。 樂 壇 風 氣 不 好 嘛 ， 或 許 威 利 這 一 唱 能 起 喚 醒 作 用 ！ 威 利 則 說 別 太 抬 舉 ， 這 一 唱 只 不 過 是 貪 過 癮 而 已 。 話 雖 如 此 ， 但 一 提 到 基 歌 的 演 唱 會 ， 給 他 機 會 再 一 次 站 在 台 上 面 對 群 眾 ， 開 心 之 情 實 難 以 掩 蓋 。

自 由 與 放 縱
在 「 人 生 要 好 玩 」 這 個 標 題 以 外 ， 自 由 自 在 是 威 利 追 求 的 另 一 種 生 活 態 度 。 當 年 不 滿 事 業 發 展 可 以 一 走 了 之 ， 原 來 在 他 的 感 情 世 界 ， 同 樣 也 享 有 高 度 自 治 。 威 利 跟 妻 子 離 婚 近 十 五 年 ， 婚 姻 為 他 帶 來 兩 位 女 兒 ， 他 坦 言 感 情 沒 半 點 味 道 ， 是 令 他 分 開 的 理 由 ； 而 在 娛 樂 圈 工 作 時 ， 第 三 者 的 出 現 ， 更 促 成 他 下 定 決 心 擺 脫 感 情 枷 鎖 。

「 我 結 婚 時 候 只 有 二 十 一 歲 ， 年 紀 太 細 冇 諗 清 楚 就 結 婚 係 問 題 之 一 。 兩 個 人 相 處 一 齊 耐 ， 完 全 冇 Feel 又 係 好 大 鑊 事 ， 咁 更 加 弊 就 係 ， 另 一 個 女 人 同 一 時 間 出 現 ， 咁 應 該 點 算 好 ？ 好 多 人 可 能 會 掟 個 銀 仔 擲 公 字 決 定 ， 但 係 我 就 偏 偏 兩 個 都 唔 要 ， 同 一 時 間 同 所 有 人 分 開 ， 咁 我 覺 得 係 最 好 方 法 ， 原 因 只 有 一 個 ， 就 係 唔 使 煩 。 」

如 此 決 定 ， 聽 起 來 令 人 有 點 摸 不 頭 腦 ， 亦 引 證 了 感 情 沒 有 保 障 這 句 話 。 不 過 威 利 說 時 的 態 度 ， 卻 帶 一 分 瀟 灑 。 哪 不 怕 寂 寞 嗎 ？ 威 利 說 要 找 個 間 中 的 女 朋 友 亦 相 當 方 便 。 現 時 他 在 國 內 工 作 ， 即 使 無 伴 在 旁 ， 一 個 人 也 會 驅 車 穿 州 過 省 ， 享 受 一 個 人 精 采 生 活 。 餓 了 ， 一 頓 情 感 快 餐 又 過 一 天 ， 這 份 自 由 的 確 令 人 嚮 往 ， 尤 其 對 於 身 為 男 性 的 小 記 。

後 記
跟 威 利 做 訪 問 絕 沒 冷 場 ， 對 於 事 業 與 感 情 ， 甚 至 說 整 個 人 生 ， 都 有 一 套 說 不 完 的 睇 法 ， 然 而 玩 可 說 是 他 人 生 第 一 位 。 影 相 時 到 了 一 條 村 落 ， 烈 日 當 空 ， 攝 影 師 滿 頭 大 汗 ， 為 他 度 身 訂 做 出 一 連 串 生 鬼 甫 士 ， 威 利 一 一 做 到 ， 是 愛 玩 亦 是 專 業 。 同 樣 地 ， 五 十 來 歲 的 中 年 男 人 ， 還 沒 有 定 下 來 ， 是 酷 愛 自 由 還 是 不 成 熟 ， 總 不 能 一 概 而 論 ， 或 許 話 得 自 在 ， 就 是 人 生 的 定 理 吧 ！

小 檔 案
藝 名 ： 威 利

原 名 ： 馮 偉 林

年 齡 ： 52

簡 介 ： 威 利 早 年 由 加 拿 大 回 港 ， 七 十 年 代 以 玩 票 性 質 同 林 子 祥 及 大 AL 組 成 玉 石 樂 隊 ， 後 來 主 唱 廣 告 歌 為 人 所 熟 悉 。 八 十 年 代 初 加 入 電 視 台 ， 曾 拍 攝 過 《 閉 門 一 家 親 》 、 《 鑽 石 王 老 五 》 及 《 大 茶 園 》 等 劇 集 ， 期 間 更 推 出 四 張 個 人 大 蝶 。

96 年 到 內 地 從 商 ， 近 日 在 老 友 李 龍 基 的 演 唱 會 擔 任 表 演 嘉 賓 ， 有 意 再 戰 江 湖 。